काठमाडौं– राष्ट्रपति विद्यादेवी भण्डारीलाई भेटेर लोसपा नेताहरुले नागरिकता विधेयक नरोकिदिन आग्रह गरेका छन्।
राष्ट्रपतिलाई भेट्न लोसपा अध्यक्ष महन्थ ठाकुर, वरिष्ठ नेता राजेन्द्र महतो, शरतसिंह भण्डारी, अनिल झालगायतका नेताहरु शनिबार शीतलनिवास पुगेका थिए ।
प्रतिनिधिसभाले पारित गरेको नागरिकता विधेयकमा भएका विषयवस्तु, अध्यादेशका रुपमा राष्ट्रपतिले यसअघि जारी गरिसकेको भन्दै नागरिकता विधेयक नरोकिदिन आग्रह गरेका हुन्।
भेटपछि कुरा गर्दै लोसपाका नेता केशव झाले नागरिकताविहीनहरुको समस्या बुझिदिन राष्ट्रपतिलाई आग्रह गरेकाे बताए। उनीहरुले यसअघि केपी शर्मा ओली सरकारको समयमा जारी भएको अध्यादेशकै व्यवस्था अहिले पारित भएको विधेयकमा रहेकालाई धेरै चिन्ता गर्नु नपर्ने बताएका थिए ।
उनीहरुको कुरा सुनेपछि राष्ट्रपतिले सबैलाई सर्वस्वीकार्य हुने गरी बनाउनेमा आफ्नो चासो रहेको बताइन् । यसअघि संघीय संसदबाट पारित भएको विधेयकलाई राष्ट्रपतिले १५ बुँदे टिप्पणी गर्दै फिर्ता गरेकी थिइन् ।
फिर्ता भएको उक्त विधेयक प्रतिनिधि सभाले जस्ताको तस्तै पारित गरिसकेको छ। याे राष्ट्रिय सभाबाट पारित भएर पुनः प्रमाणिकरणका लागि राष्ट्रपति कार्यालय जानेछ। संविधानअनुसार दोस्रो पटक फर्काउने व्यवस्था नभएकाले राष्ट्रपतिले प्रमाणिकरण गर्नुपर्नेछ।
अहिले राष्ट्रपतिका विषयमा राजिनामादेखि अन्य कुरा आएपछि लोसपा नेताहरु भेट्न शीतलनिवास पुगेका थिए। उनीहरुले ठूलो संख्यामा नेपालीहरु नागरिकताविहीन अवस्थामा रहेको र उनीहरु दैनिकरुपमा समस्यामा परेकाले बुझिदिन उनीहरुले आग्रह गरे।
तत्कालीन समयमा लोसपा अध्यादेशको समर्थन गर्दै एमालेतिर लागेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766743671.png)
-1766743434.png)
-1766740258.png)
-1764146706.png)
-1766648928.png)
-1763721444.png)
