काठमाडौं– प्रधानमन्त्री तथा नेपाली कांग्रेका सभापति शेरबहादुर देउवाले पछिल्लो समय नेपालका सहरहरु अव्यवस्थित बन्दै गएको बताएका छन्। मुलुकको दिगो र द्रुत विकासका लागि व्यवस्थित सहरीकरणको आवश्यकता रहेको उनले बताए।
शनिबार बुटवल अन्तराष्ट्रिय सम्मेलन केन्द्रको उद्घाटन गर्दै उनले सहरी क्षेत्रमा अव्यवस्थित बसोबास भइरहेकोप्रति चिन्ता व्यक्त गरे। उनले अब सहरलाई व्यवस्थित गर्नुको विकल्प नरहेको दाबी गरे।
नेपालले पञ्चवर्षीय योजना ल्याउँदा व्यवस्थित सहरको विभिन्न प्रयासहरु गर्दै आए पनि अझै अधिकांश सहरहरु योजनाबद्ध तरिकाले बन्न नसकेको उनको भनाइ थियो।
उनले भने, ‘सहरी क्षेत्रमा मानिसहरु धेरै बसोवास गर्न थालेको अवस्थामा मुलुकको दिगो र द्रुत विकासका लागि व्यवस्थित सहरीकरणको ठूलो महत्त्व रहेको छ। नेपालले पञ्चवर्षीय योजना ल्याउँदा व्यवस्थित सहरको विभिन्न प्रयासहरु गर्दै आए पनि अझै हाम्रा अधिकांश सहरहरु योजनाबद्ध तरिकाले बनेका छैनन्। अव्यवस्थित छन्। अव्यवस्थित सहरले मुलुकमा चुनौतीहरु थपिएका छन्।’
सहरी विकास मन्त्रालयमार्फत १ अर्ब ११ करोड रुपैयाँ लागतमा बनेको सम्मेलन केन्द्रको प्रधानमन्त्री देउवाले शनिबार बिहान उद्घाटन गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766743671.png)
-1766743434.png)
-1766740258.png)
-1764146706.png)
-1766648928.png)
-1763721444.png)
