पाँचथर– नेपाली कांग्रेसका सहमहामन्त्री भीष्मराज आङदेम्बेले संघीय र प्रदेशसभाको निर्वाचनपछि पनि गठबन्धनकै सरकार बन्ने बताएका छन्।
गृहजिल्ला पाँचथर आइपुगेका आङदेम्बेले सदरमुकाम फिदिममा आज पत्रकार भेटघाट कार्यक्रममा गठबन्धनमा आवद्ध दलबीच सिटको भागबण्डाबारे छलफल चलिरहेको बताए।
पाँचथरमा एउटा मात्र निर्वाचन क्षेत्र भएकाले आफू संघीय उम्मेदवार बन्ने उनको भनाइ छ। अब हुने संघ र प्रदेशसभको निर्वाचनबाट कांग्रेस पहिलो पार्टी बन्ने पनि उनको दाबी छ।
पटकपटक सरकार परिवर्तन र मन्त्री फेरिरहँदा सरकारले दिगो विकास र लक्ष्यअनुरुप काम गर्न नसक्ने र जनतामा नैराश्यता छाउने बताउँदै स्थायी सरकार बन्न आवश्यक रहेको सहमहामन्त्री आङदेम्बको भनाइ छ।
‘स्थायी सरकार बनेर नागरिकको काम गर्नका निम्ति पनि अहिलेको गठबन्धनलाई निरन्तरता दिनुको विकल्प छैन’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
