काठमाडौं– संघीय संसद् अन्तर्गतको सार्वजनिक लेखा समितिको सभापति परिवर्तनको विषयलाई लिएर सभामुखको भूमिकामा एमालेले प्रश्न गरेको छ।
उक्त समितिको सभापति प्रतिपक्षी दलको सांसद रहने परम्परा रहेको छ। तत्कालीन समयमा कांग्रेस प्रतिपक्षी रहेका बेला कांग्रेस सांसद भरत बिमल साहा उक्त समितिका सभापति थिए।
अहिले पनि उक्त समितिको सभापति साहा नै छन्। यस विषयलाई लिएर एमालेले बारम्बार आफ्नो दाबी गरिरहेको छ।
सोही प्रसंगलाई लिएर प्रतिनिधिसभाको मंगलबारको बैठकमा एमाले सांसद तथा पूर्व उपसभामुख शिवमाया तुम्बाहाम्फेले सभामुखको भूमिकामा प्रश्न गरेकि हुन्।
‘हाम्रो संसदीय अभ्यासमा प्रमुख प्रतिपक्षी दललाई यस समितिको सभापति दिइन्छ भन्ने विषय सम्माननिय सभामुख ज्यूले बिर्सिनुभयो कि?,’ उनले प्रश्न गरिकी छन्,‘यसमा समस्या आइसकेपछि समाधान गर्नुपर्छ भन्ने तपाईंको भूमिका खै? समस्यालाई कसरी व्यवस्थापन गर्नुपर्छ भन्ने तपाईंको जुन भूमिका चाहेका थियौं। त्यो देखिएन। त्यसैले यो शिघ्र समाधान गरी प्रमुख प्रतिपक्षीलाई दिनुपर्छ भन्ने एमालेको माग छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1783240079.png)
-1764146706.png)
