बुटवलको एक होटलमा एक पुरुष र महिला मृत फेला

सुरक्षा/अपराध

नेपाल लाइभ मंगलबार, साउन ३१, २०७९ १२:२०

काठमाडौं– बुटवलको एक होटलमा एक पुरुष र एक महिला मृत भेटिएका छन्। बुटवल उपमहानगरपालिका–२ स्थित फूलबारीचोकमा रहेको कारिकोट होटलमा मृत भेटिएका हुन्।

मृत भेटिनेहरुमा धादिङ घर भएका अन्दाजी ३५ वर्ष जतिका सीताराम भुजेल र र अर्की एक महिला मृत भेटिएका हुन्। अन्दाजी २५ वर्ष जतिकी महिलाको पहिचान हुन नसकेको इलाका प्रहरी कार्यालय बुटवलले जनाएको छ ।

भुजेल सिलिङ फ्यानमा झुण्डिएको अवस्थामा मृत भेटिएका छन् भने महिलाको शव पलङमाथि भेटिएको छ।

उनीहरु आइतबार राति उक्त होटलमा बस्न आएका होटल सञ्चालकले बताएका छन्। दुवै जनाको शव पोष्टमार्टमका लागि लुम्बिनी प्रादेशिक अस्पताल पठाएर घटनाको अनुसन्धान प्रहरीले सुरु गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यस्तो छ आजको तरकारी र फलफूलको मूल्य

यस्तो छ विदेशी मुद्राको विनिमयदर

बढ्न थाल्यो देशभरको तापक्रम