सीसी क्यामेरामा हतियारसहित निकुन्ज छिरेको देखिएका व्यक्ति घरबाट पक्राउ

सुरक्षा/अपराध

नेपाल लाइभ सोमबार, साउन ३०, २०७९ १४:३२

काठमाडौं– नेपाली सेनाको टोलीले बन्दुक र गोली गट्ठासहित सिकारी पक्राउ गरेको छ। बर्दिया राष्ट्रिय निकुन्जको मध्यवर्ती क्षेत्रमा प्रवेश गरेका व्यक्तिलाई सेनाको टोलीले पक्राउ गरेको हो।

मध्यवर्ती क्षेत्रमा राखिएको सीसी क्यामेरामा हतियारसहित एक व्यक्ति प्रवेश गरेको देखिएपछि सेनाले अनुगमन सुरु गरेको थियो।

निकुन्जमा तैनाथ नेपाली सेना र निकुन्जका कर्मचारीहरुको संयुक्त टोलीले सीसी क्यामेरामा कैद भएका व्यक्तिको पहिचान गरेपछि सिकारीलाई पक्राउ गर्न सेनाको टोली उनकै घरमै पुगेको थियो।

सिकारीलाई पक्राउ गर्नुका साथै उनको घरबाट ठूलो संख्यामा हतियारलगायत सामानहरु बरामद गरेको छ। १२ बोरको भरुवा बन्दुक एक थान, थ्री नट थ्रीको ४ राउण्ड गोली, पटका रोल, सुकुटी मासु, छर्रालगायतका सामान बरामद भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यस्तो छ आजको तरकारी र फलफूलको मूल्य

यस्तो छ विदेशी मुद्राको विनिमयदर

बढ्न थाल्यो देशभरको तापक्रम