निर्वाचनको मिति तय भएको छ, हामी खुुुसी छौं : सुवास नेम्वाङ

राजनीति

नेपाल लाइभ बिहीबार, साउन १९, २०७९ १९:२१

रुपन्देही–एमाले उपाध्यक्ष सुवास नेम्वाङले निर्वाचनको मिति तय भएकोमा प्रसन्नता प्रकट गरेका छन्। प्रेस चौतारी नेपाल रुपन्देहीले बिहीबार बुटवलमा आयोजना गरेको पत्रकार भेटघाटमा उनले भने, ‘निर्वाचनको मिति तय भएको छ, हामी खुुुसी छौँ। तर यस्ता महत्वपूर्ण विषयमा देशका प्रमुख दललाई थाहा हुुनपर्छ।'

नेपालको संविधानले मिश्रित निर्वाचन प्रणालीको व्यवस्था गरेको जनाउँदै उनले हरेक गठबन्धन र तालमेल संसदीय मूल्यमान्यताबमोजिम हुनुपर्नेमा त्यसो हुन नसकेको बताए। लोकप्रिय मतका आधारमा गत स्थानीय निर्वाचनमा एमाले पहिलो स्थानमा रहेको प्रसंग उनले उल्लेख गरे। ‘हामीले समयमै निर्वाचन घोषणा हुनुपर्छ भनेको थियौँ। घोषणा गरेको मितिमा भयरहित वातावरणमा निर्वाचन सम्पन्न हुनुपर्छ भन्ने नै हाम्रो चाहना हो । त्यस कुरामा हाम्रो सहयोग रहन्छ', उनले भने।

निर्वाचनमा आफ्ना एजेण्डा लिएर जनताका बीचमा जान एमालेले तयारी गरेको जनाउँदै उनले आउने निर्वाचनमा जनताको आर्शिवाद रहनेमा विश्वस्त रहेको बताए। ‘आवधिक निर्वाचन घोषणा भएको छ अब जनताले फैसला गर्नेछन्। निर्वाचनमा हामीले उत्साहपूर्वक सहभागी हुनुछ', उपाध्यक्ष नेम्वाङले भने। पार्टीले निर्वाचनको तयारीका क्रममा विभिन्न प्रदेशमा प्रशिक्षण चलाइरहेको बताउँदै उनले दृढ विश्वासका साथ जनताका बीचमा जाने तयारीमा रहेको उल्लेख गरे।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एन्फा महिला लिग फुटबलः पुलिसले आर्मीलाई हराउँदै फाइनमा

नाइजेरियामा भिडन्त हुँदा २२ सैनिकको मृत्यु

राष्ट्रको विकासमा सबैको भूमिका महत्त्वपूर्ण : पूर्वराष्ट्रपति भण्डारी