काठमाडौं– पेरुमा मंकीपक्सको संक्रमण समुदायस्तरमै फैलिएको पाइएको छ। त्यहाँको राष्ट्रिय स्वास्थ्य विभागका प्रमुख भिक्टर सुआरेजले सो कुराको जानकारी दिएका छन्।
उनले पेरुमा अहिलेसम्म दुई सय ३ जनामा यो संक्रमण पाइएको भन्दै यो संक्रमण समुदायस्तरमा नै फैलिएको दाबी गरेका छन्। पेरुमा देखिएका यी संक्रमितहरु अधिकांश राजधानीस्थित सहर लिमाका छन्।
त्यस्तै लिमाका छिमेकी प्रान्त कल्लाओका मानिस पनि संक्रमित रहेको सुआरेजले जनाएका छन्। पेरुको सरकारले मंकीपक्सको परीक्षणका लागि अलग्गै ल्याबको स्थापना गरेको छ र यसको संक्रमणसम्बन्धी सूचना दिने पनि अलग्गै संयन्त्र राखिएको छ।
सो संयन्त्रअनुरुप मंकीपक्ससम्बन्धी परीक्षणको नतिजा २४ घन्टाभित्रै दिने गरिएको उनले बताएका छन्। यो संक्रमण फैलिन नदिन उच्च सतर्कता अपनाइएको छ।
स्वास्थ्यमन्त्री जोर्ग लोपेजले पत्रकारहरुलाई बताएअनुसार ती संक्रमितहरुमध्ये अधिकांश ३२ देखि ३७ वर्षको उमेर समूहका छन्। उनीहरुको स्वास्थ्य अवस्था भने सामान्य रहेको पाइएको उनले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
