अमित श्रेष्ठ पक्राउ घटना : विदेशी बैंकमा देखियो करोडौंको शंकास्पद कारोबार

सुरक्षा/अपराध

नेपाल लाइभ सोमबार, साउन ९, २०७९ २२:३३

काठमाडौं–भर्चुअल मुद्रा (क्रिप्टो करेन्सी) मा लगानी तथा कारोबार गरेको पाइएपछि पक्राउ परेका विशाल सिमेन्टका सञ्चालक अमित श्रेष्ठको विदेशी बैंकमा करोडौंको शंकास्पद कारोबार देखिएको छ।

श्रेष्ठको साथबाट बरामद भएका २ थान मोबाइल तथा २ थान ल्यापटप अपराध अनुसन्धान विभागको डिजिटल फरेन्सिक ल्याबबाट परीक्षण गरिँदा प्राप्‍त हुन आएको परीक्षण प्रतिवेदन प्रारम्भिक रुपमा विश्लेषण गर्ने क्रममा ठूलो मात्रामा रकम फेला परेको प्रहरीले जनाएको छ।

उनको कमनवेल्थ बैंक अफ अस्ट्रेलियामा १ लाख ९४ हजार २ सय ८५.५६ डलर तथा रोयल बैंक अफ क्यानडामा १८ लाख ७४ हजार ४ सय २१.३८ डलर कारोबार भएको पाइएको छ।

यस्तै, श्रेष्ठले रोयल बैंक अफ क्यानडाबाट शेयर कारोबारसमेत गरेको देखिएको, एभरेष्ट बैंक लिमिटेडको खाताबाट २ करोड ६ लाख ६ हजार ६ सय ९२ र एनआइसी बैंकको खाताबाट ६५ लाख २४ हजार ९ सय १०९ गरी नेपालमा विभिन्न कम्पनीमा सेयर लगानी रहेको पाइएको प्रहरीले जनाएको छ।

यसैगरी, काठमाडौं महानगरपालिका १४ कलंकीमा जग्गा, वडा नम्बर ३ लाजिम्पाटमा जग्गा, पानीपोखरीमा थ्रिएटु अपार्टमेन्ट गरी जम्मा ४ लाख ४९ हजार १९ डलरको सम्पत्ति रहेको पाइएको जिल्ला प्रहरी परिसर काठमाडौका एसपी तथा प्रवक्ता दिनेशराज मैनालीले जानकारी दिए।

उक्त रकम तथा कारोबार शंकास्पद भएकोले अमित श्रेष्‍ठउपर बैंक तथा वित्तिय संस्थासम्बन्धी ऐन, २०७३ को कसूरमा काठमाडाैं जिल्ला अदालतबाट म्याद थप अनुमति प्राप्‍त भई जिल्ला प्रहरी परिसर काठमाडाै‌बाट थप अनुसन्धान भईरहेको प्रहरीको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’