काठमाडौं– गाउँपालिका राष्ट्रिय महासंघ नेपालले स्थानीय तहमा करारमा नियुक्ति पाएका कर्मचारीहरुलाई नहटाउन आग्रह गरेको छ। महासंघले विज्ञप्ति जारी गर्दै अनुभवी कर्मचारीहरुलाई कार्यसम्पादन मूल्यांकनका आधारमा म्याद थप गर्न स्थानीय सरकारलाई आग्रह गरेको छ।
महासंघका अध्यक्ष होमनारायण श्रेष्ठ र महासचिव वंशलाल तामाङले विज्ञप्ति जारी गर्दै करारमा कार्यरत कर्मचारीहरुको व्यवस्थापन गर्न आग्रह गरेका हुन्।
स्थायी नियुक्तिका लागि सम्बन्धित प्रदेश लोकसेवा आयोगबाट सिफारिस भएर नआएसम्मका लागि नियमानुसार स्वीकृत दरबन्दीमा करारमा नियुक्ति पाएका अनुभवी जनशक्तिहरुलाई कार्यसम्पादन मूल्यांकनका आधारमा म्याद थप गरी स्थानीय सरकारको कार्यसम्पादनमा प्रभावकारिता ल्याउनेतर्फ केन्द्रित हुन सबै गाउँपालिकाहररुलाई अनुरोध गरेको छ ।
स्वीकृत दरबन्दीभित्र विद्यमान कानुनबमोजिम प्रक्रियासम्मत नियुक्ती भएका र सन्तोषजनक कार्यसम्पादन गरिरहेका कर्मचारीहरुको कार्यसम्पादन मूल्यांकनका आधारमा म्याद थप गरी सेवा लिनु स्थानीय सरकारको लागिसमेत अवसर रहेको महासंघले बताएको छ।
हेर्नुहोस् विज्ञप्ति :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788441385.jpg)
-1786602170.png)
-1786513116.png)
-1788425345.png)
