प्रतिकात्मक तस्बिर
रसुवा– वर्षायाममा हुनसक्ने सम्भावित विपत्का घटनाको जोखिमलाई ख्याल गर्दै रसुवामा उद्धार कार्यका लागि तालिमप्राप्त जनशक्तिलाई तयारी अवस्थामा राखिएको छ। विपत्पछि छिटो–छरितो तवरले उद्वार गर्न विपत् प्रतिकार्य निर्देशिका पारित एवं पहिलोपङ्क्तिको दक्ष उद्वार जनशक्ति तयार गरिएको हो।
रसुवाका प्रमुख जिल्ला अधिकारी नवराज जैसीका अनुसार विपत्को अवस्था सिर्जना भएमा पहिलो पङ्क्तिमा काम गर्ने नेपाली सेना, सशस्त्र प्रहरी तथा नेपाल प्रहरीसमेतका ६० भन्दा बढी तालिमप्राप्त सुरक्षाकर्मी तैनाथ गरिएको छ। तालिमप्राप्त सुरक्षाकर्मीले पहिलो पङ्क्तिमा र अन्य सुरक्षाकर्मीले दोस्रो पङ्क्तिमा काम गर्ने बताइएको छ।
जिल्ला विपत् व्यवस्थापन समितिले जोखिम क्षेत्रको पहिचान गरी कुन निकायलाई कस्तो ठाउँमा परिचालन गर्ने भन्ने प्रमुख जिल्ला अधिकारीमार्फत पूर्वतयारी भइसकेको जनाएको छ। भौगोलिक विकटता एवं वर्षायाममा अधिकांश ग्रामीण सडक बिग्रिएको अवस्थामा समेत उद्वार एवं सुरक्षाका लागि यहाँ कार्यरत सुरक्षाकर्मी छिटोभन्दा छिटो तोकिएको गन्तव्य पुग्ने गरेको स्थानीय बासिन्दाले बताएका छन्।
वर्षायामभर जोखिम क्षेत्रको आसपासमा बसोवास नगर्न, नदी वा खोला किनारमा नजान, विपत्को जोखिम बढ्ने सम्भावना भएमा जिल्ला विपत् व्यवस्थापन समितिलाई सूचना दिई सहयोग गर्न प्रशासनले जिल्लावासीलाई आग्रह समेत गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791196217.png)
-1791194094.png)
-1786602170.png)
-1791090469.jpeg)
