ओलीको दाबी– २०६३ वैशाख ११ गते ज्ञानेन्द्रले पढेको वक्तव्य मैले ड्राफ्ट गरिदिएको हुँ

राजनीति

नेपाल लाइभ शुक्रबार, असार २४, २०७९ १५:०२

काठमाडौं– २०६२/०६३ को जनआन्दोलनपछि तत्कालीन राजा ज्ञानेन्द्र शाहले पढेको वक्तव्य आफूले ड्राफ्ट गरेको एमाले अध्यक्ष केपी ओलीले दाबी गरेका छन्।

माओवादीको राजासँग कार्यगत एकता रहेको बताउँदै उनले यस्तो जिकिर गरेका हुन्। उनले भने, ‘२०६३ वैशाख ११ गते ज्ञानेन्द्रले सर्वदलीय सहमतिमा पार्टीले तयार पारेको ड्राफ्ट पढेका थिए। त्यो एमालेको पार्टी कार्यालय वल्खुको अघि चौरमा रुद्राक्षको बोटमुनि बसेर मैले ड्राफ्ट गरेको थिएँ। ज्ञानेन्द्रले पढेका त्यहिँ थिए। दुईटा कुरा गरिएको थियो– एउटा मैले भंग गरेको संसद् पुनःस्थापना गरिएको छ। अर्को बहुदलीय व्यवस्था जनताको नासो जनतालाई फर्काइदिएको छु। अथवा विगठित संसदको पुनःस्थापना गरिएको छ।’

उनले माओवादीले जनयुद्ध गर्नुको उद्देश्य अर्कै रहेको बताए। छोटो बाटोबाट सत्तामा पुग्ने र आफ्नै भलाई गर्न गरिएको उनको भनाइ छ।

उनले थपे, ‘माओवादीको राजतन्त्रसँग कार्यगत एकता थियो। कम्युनिष्टसँग मुख्य शत्रुता थियो।’ उनले आफूले बोलेका कुराको कुम हल्लाउँदै जवाफ दिने भन्दै माओवादी केन्द्रका अध्यक्ष पुष्पकमल दाहाललाई कटाक्ष गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पुटिनले पश्चिमा मुलुकलाई दिएको चेतावनीबाट नडराउने स्वीडेनको भनाइ

प्रधानमन्त्री ओलीसँग भारतीय सेनाध्यक्ष द्विवेदीको भेट

कालीकोटको नाग्मबाट टीकापुर जाँदै गरेको बस दैलेखमा दुर्घटना