काठमाडौं– अर्थमन्त्री जनार्दन शर्माले करको दर परिर्वतनमा अनधिकृत व्यक्ति प्रवेशका बारेमा संसद्मा बचाउ गरेका छन्। उनले करको दर परिर्वतनमा आवश्यक प्रक्रिया भएको र त्यही अनुसारमात्र भएको दाबी गरे।
‘सम्बन्धित विभागीय प्रमुख र अर्थ मन्त्रालयका सचिवहरूको कमिटीले गरेको हो,’ उनले भने, ‘यसमा कुनै राष्ट्रघात भएको छ भने म पूर्ण जिम्मेवारी लिन तयार छु। यहाँ कुनै राष्ट्रघात र गद्दारी भएको छैन।’ उनले आफ्नो जवाफको अन्तिममा पनि बचाउ गरे।
‘करको दर परिर्वतनको जिम्मेवारी म लिन्छु। कुन बाहिर आए र कुन भित्र गए थाहा हुने कुरा हैन,’ उनले भने, ‘उक्त दिन १२ बजेसम्म म मन्त्रालयमा बसेको छु। १२ बजेपछि म पुल्चोक मन्त्री क्वाटरमा गएर बिहान ६ बजे आएको हुँ।’
डलरको सञ्चितिलाई र उत्पादनलाई ध्यान दिएर दरहरू परिर्वतन भएको उनले बताए। उनले नेपाली उद्योगहरूलाई पनि हेरेर करको दर निर्धारण भएको दाबी गरे।
शर्माले संसद्मा उठेका प्रश्नको जवाफ दिँदै मन्त्री शर्माले आफूलाई सामान्य बचाउ गरे। केही दिनअघि शर्माले बजेट निर्माणको क्रममा जेठ १४ गते मध्यरातमा एक पूर्व कर्मचारीलाई प्रवेश गराएर करको दर परिर्वतन गराएको सार्वजनिक भएको थियो।
उक्त दिनको घटनापछि शर्माले राजीनामा दिनुपर्ने भन्दै आलोचना भइरहेको छ। उनले आफू आधा रातसम्म मन्त्रालयमै रहेको दाबी गरे।
उनले स्यानेटरी प्याडमा पनि रातो कर माफ गर भन्ने जुलुस लागेपछि आफूले यसमा भन्सार छुट दिएको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
