रोकिएन सेयर बजारको ओरालो यात्रा, बुधबार २९.८९ अंकले घट्यो नेप्से

बैंक/बिमा/सेयर

नेपाल लाइभ बुधबार, असार १, २०७९ १६:०३

काठमाडौं– मंगलबार नै २ हजारको विन्दुबाट तल झरेको सेयर बजारको ओरोलो यात्रा बुधबार पनि कायम रहेको छ। बुधबार सेयर बजार परिसूचक (नेप्से) २९.८९ अंकले घटेर १९६६.३७ विन्दुमा पुगेको छ।

ठूला कम्पनीहरुको कारोबार मापक सेन्सिटिभ इन्डेक्स पनि बुधबार ४.६० अंकले घटेर ३७८.९० विन्दुमा पुगेको छ।

बुधबार कारोबारमा आएका सबै समूहका उपसूचकहरु घटेका छन्। सबैभन्दा बढी ट्रेडिङ समूहको उपसूचक २.५ प्रतिशतले घट्यो।

बुधबार २२९ कम्पनीको ४१ लाख ८२ हजार ३६९ कित्ता सेयर किनबेच हुँदा सेयर बजारमा १ अर्ब ४९ करोड १७ लाख ५८ हजार रुपैयाँ बराबरको कारोबार भयो।

बुधबार सबैभन्दा बढी सीवाईसी नेपाल लघुवित्त वित्तीय संस्था र आधीखोला लघुवित्त वित्तीय संस्था लिमिटेडको सेयरमूल्य ९.९९ प्रतिशतले बढेको छ।

बुधबार सबैभन्दा धेरै बलेफी हाइड्रोपावर लिमिटेडको सेयरमूल्य ८.७६ प्रतिशत र लाईफ इन्स्योरेन्स कर्पोरेशन नेपाल लिमिटेडको सेयरमूल्य ८.२६ प्रतिशतले घट्यो।

कारोबार रकमको आधारमा आज सबैभन्दा बढी नेपाल टेलिकमको १२ करोड ६७ लाख रुपैयाँ बराबरको सेयर किनबेच भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारीमा देखापरेका समस्या हल गर्न अध्यादेश ल्याउने निर्णय भइसकेको छ: उपप्रधानमन्त्री सिंह

पोखरा अन्तर्राष्ट्रिय विमानस्थलमा सिचुवान एयरलाइन्सको जहाज अवतरण

सिरियाको टार्टस प्रान्तमा भएको झडपमा १७ जनाको मृत्यु