काठमाडौं- बेलायतबाट शरणार्थीहरूलाई रुवान्डा पठाउन लागिएको उडान अन्तिम समयको कानुनी लडाइँपछि रद्द गरिएको छ।
उक्त उडानमार्फत् मंगलबार सात जनालाई बेलायतबाट पूर्वी अफ्रिकी देशमा फिर्ता पठाइने अपेक्षा थियो। तर युरोपेली मानव अधिकार अदालतको हस्तक्षेपपछि उक्त उडान रोकियो।
बेलायतकी गृहमन्त्री प्रीति पटेलले उक्त निर्णयका कारण आफू 'निराश' भए पनि विचलित नहुने भन्दै 'अब अर्को उडानको तयारी सुरु हुने' बताएको बीबीसीले उल्लेख गरेको छ।
उक्त रद्द गरिएको उडान बेलायतको एउटा अदालतले अघि बढाउन सकिन्छ भनेपछि र बेलायतमा भएका श्रृङ्खलाबद्ध कानुनी लडाइँ असफल भएपछि तय भएको थियो।
तर बेलायतका अदालत र युरोपेली मानव अधिकार अदालतमा उक्त जहाजमा फर्कनुपर्ने व्यक्तिहरूले अपिल गरेपछि पछिल्लो घटना भएको हो।
उक्त विमानले ब्रिटिश समयअनुसार रातको साढे १० बजे विल्टशर सैन्य विमानस्थलबाट उडान गर्नुपर्ने थियो।
तर स्ट्रासबर्गस्थित युरोपेली मानव अधिकार अदालत र लन्डनका अदालतहरूबाट त्यससँग सम्बन्धित कतिपय निर्णयहरू आएपछि सबै यात्रुलाई जहाजबाट ओरालिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788000297.png)
-1787905631.jpeg)
-1786602170.png)
-1787821306.jpg)
-1786513116.png)
