काठमाडौं- नेकपा एकीकृत समाजवादीको स्थायी कमिटी बैठक बुधबार पनि बस्ने भएको छ।
मंगलबारबाट सुरु भएको बैठकमा स्थानीय तह निर्वाचन सम्बन्धी समीक्षा प्रतिवेदन पेस भएको एकीकृत समाजवादीका प्रवक्ता जगन्नाथ खतिवडाले जानकारी दिए। मंगलबारको बैठकमा प्रदेश इन्चार्ज र अध्यक्षहरुले धारणा राखेको र बुधबारको बैठकमा वृहत छलफल हुने उनले बताए।
मन्त्री फिर्ता बारेमा भोलिको बैठकमा छलफल हुने प्रवक्ता खतिवडाले जानकारी दिए। तर, पार्टीका सम्मानित नेता झलनाथ खनालले सचिवालय बैठकले मन्त्री फिर्ताबारे निर्णय गरिसकेकाले थप छलफल आवश्यक नभएको बताए।
बैठकमा पार्टी अध्यक्ष माधवकुमार नेपाल र सम्मानित नेता झलनाथ खनालले समसामयिक राजनीति, पार्टीको भावी रणनीति लगायतका बारेमा बैठकमा प्रष्ट पारेका थिए।
खतिवडाका अनुसार आजको बैठकले एउटामात्र प्रस्ताव पारित गरेको छ। स्वास्थ्यमा समस्या देखिएपछि उपचाररत डा विषय पौडेलको शीघ्र स्वास्थ्य लाभको कामना गर्ने प्रस्ताव पारित भएको उनले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771505229.png)
-1764146706.png)
