काठमाडौं– गतवर्ष असोज २६ गते सिनेमा हलमा प्रदर्शन भएको फिल्म ‘डाँडाको वरपिपल’ चार दिनअघि युट्युबमा रिलिज भएको छ।
सिनेमा हलमा खासै राम्रो प्रदर्शन गर्न नसकेको फिल्मले युट्युबमा भने राम्रो चर्चा कमाएको छ।
सलोन बस्नेत, शिव श्रेष्ठ, भुवन केसी, रुविना थापा, गौरी मल्ललगायतका कलाकारलाई मुख्य भूमिकामा लिएर बनेको यो फिल्म हलमा प्रदर्शन हुँदा केही दिन पनि चल्न सकेको थिएन।
एकातिर भर्खरै कोरोना महामारीपछि फिल्म हल खुलेको अवस्था थियो भने अर्कातिर फिल्मको प्रचारका क्रममा सिर्जना भएको महानायक विवाद। सबै तर्फबाट सलोनको फिल्म मारमा परेको थियो।
तर, चार दिनअघि युट्युबमा रिलिज भएसँगै भने फिल्मले राम्रो प्रतिक्रिया पाएको छ। युट्युबमा रिलिज भएको केही समयमा नै ट्रेण्डिङको पहिलो नम्बरमा आएको यो फिल्ममा हालसम्म १६ लाखभन्दा धेरै भ्यूज आइसकेका छन्।
सोभित बस्नेतले निर्देशन गरेको यो फिल्मलाई नवराज गिरीले निर्माण गरेका छन्। राम काजी घिमिरेको कथामा आधारित रहेको फिल्मको सह निर्देशन भने रामजी राउत र ज्ञान कुमार कट्टेलले गरेका छन्।
हलमा फ्लप भएपछि युट्युबमा भने राम्रो चर्चा कमाएको यो फिल्मले पनि नेपाली फिल्म युट्युबमा सफल हुने कुरालाई थप प्रमाणित गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
