बलिउड अभिनेत्री सोनाक्षी सिन्हाले सार्वजनिक गरिन् प्रेमी

सिनेमा

नेपाल लाइभ बुधबार, जेठ २५, २०७९ १२:२७

काठमाडौं– बलिउड अभिनेत्री सोनाक्षी सिन्हाले आफ्ना प्रेमी सार्वजनिक गरेकी छन्। उनले सामाजिक सञ्जालमार्फत् आफ्ना प्रेमी जाहिर इकबालसँगको सम्बन्धबारे सार्वजनिक गरेकी हुन्।

जुन २ मा सोनाक्षीको जन्मदिनमा जाहिरले सामाजिक सञ्जालमा सोनाक्षीसँगको एक भिडियो सेयर गरेक थिए। उक्त भिडियोको क्याप्सनमा उनले लेखेका छन्, ‘म तिमीलाई प्रेम गर्छु।’

यही पोस्टमार्फत उनीहरुले एकअर्कासँगको प्रेम सम्बन्धलाई सार्वजनिक गरेका हुन्। उक्त पोस्टको कमेन्टमा सोनाक्षीले पनि आफूहरुको सम्बन्धलाई पुष्टि गर्दै लेखेकी छिन्, ‘धन्यवाद, म पनि तिमीलाई प्रेम गर्छु।’

सोनाक्षीका प्रेमी जाहिर गहना व्यापारी पृष्ठभूमिका हुन्। उनी बलिउडका अभिनेता सलमान खानका नजिकका साथी इकबाल रत्नासीका छोरा हुन्। जाहिरले सन् २०१९ मा फिल्म नोटबुकबाट अभिनयमा पनि डेब्यु गरेका थिए।

भारतीय सञ्चारमाध्यमका अनुसार जाहिर र सोनाक्षीको भेट सलमानले गराएका थिए। हाल उनीहरु दुवै जना ‘डबल एक्सएल’ नामक फिल्ममा काम गरिरहेका छन्। सतराम रमानीको निर्देशनमा बनेको यो फिल्ममा अभिनेत्री हुमा कुरैशी मुख्य भूमिकामा छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एकता दिवसमा पूर्वराजा ज्ञानेन्द्रको शुभकामना- पूर्ण प्रजातन्त्र अहिले पनि पूरा हुन सकेको छैन

तीन दिनमा दुई हजार बढीले बढ्यो सुनको मूल्य, कतिमा हुँदैछ कारोबार?

यू-१९ महिला विश्वकप क्रिकेट खेल्ने नेपाली टोलीको बिदाई