जेरुसेलम– इजरायलले आफ्ना देशका टर्की भ्रमण नगर्न चेतावनी दिएको छ।
इरानले गत हप्ता इस्लामिक रिभोलुसन गार्ड्स कोर (आईआरजीसी) का एक वरिष्ठ अधिकारीको हत्याको बदला लिन सक्ने भएकाले यस्तो चेतावनी दिइएको हो।
इजरायलको राष्ट्रिय सुरक्षा परिषद् काउन्टर टेररिज्म ब्युरोले तेहरानले टर्कीमा इजरायली पर्यटकहरूलाई आक्रमण गर्न खोजिरहेको हुन सक्छ भन्दै यसलाई 'अहिले उच्च स्तरको जोखिम' भएको देशको रूपमा चित्रण गर्दै सो चेतावनी दिएको हो।
इरानसँग सीमा जोडिएका अन्य देशहरूमा पनि 'उच्च खतराको स्तर' रहेको बताएको छ।
विज्ञप्तिमा भनिएको छ, 'विश्वभर इजरायली लक्ष्यहरूमा आक्रमण गर्ने इरानको प्रयासको बारेमा सुरक्षा प्रतिष्ठानमा बढ्दो चिन्ता छ।'
इरानले आइआरजिसी कर्णेल हसन सय्यद खोदेईको हत्याको इजरायललाई आरोप लगाएको छ र उनको मृत्युको बदला लिने बताएको छ। गत आइतबार खोदेईको गोली हानी हत्या गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787796648.png)
-1787795595.png)
-1786602170.png)
-1786513116.png)
