समाचार

थासाङ गाउँपालिका अध्यक्ष भन्छन्– विमान दुर्घटनाको आशंका गरिएको स्थलमा जाँदैछौं

नेपाल लाइभ आइतबार, जेठ १५, २०७९ १३:०१

काठमाडौं- मुस्ताङको थासाङ गाउँपालिका अध्यक्ष प्रदिप गौचनले तारा एअरको विमान दुर्घटना भएको आशंका भएको स्थानमा आफूहरु जाँदै गरेको बताएका छन्।

थासाङको टिटि भन्ने स्थानमा दुर्घटना भएको आवाज सुनिएको र अपुष्ट खबर आएकाले आफूहरु उक्त स्थानमा जान लागेको उनले बताए।

विमान खोजीका लागि पुगेको हेलिकोप्टरसमेत खराब मौसमका कारण दुर्घटना आशंका गरिएको स्थानमा पुग्न नसकेर फर्किएकाले अब पैदाल मार्गबाट आफूहरु जान लागेको उनले बताए।

‘अहिले उक्त क्षेत्रमा पानी पर्नुका साथै बाक्लो हुस्सु रहेको र टेलिफोन सम्पर्क हुन सकिरहेको छैन’, उनले भने,‘इलाका प्रहरी कार्यालयबाट प्रहरीसहितको टोली प्रस्थान गरेका छौं।’

स्थानीयहरुले धुँवा देखिएको र ठूलो आवाज आएको खबर गरेको भए पनि थप जानकारी पाउन नसकेको उनले बताए।

आइतबार बिहान ९ बजेर ५५ मिनेटमा पोखराबाट जोमसोमका लागि उडेको तारा एअरको विमान सम्पर्कविहीन भएको थियो।

यो पनि पढ्नुहोस्

तारा एअरको विमान लार्जुङमा दुर्घटनाग्रस्त अवस्थामा भेटियो : वायुसेवा सञ्चालक संघ

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

देशमा देखिएको प्रतिगामी षड्यन्त्र सफल हुन दिइँदैन : अध्यक्ष प्रचण्ड

ओली, देउवा र प्रचण्डबीच छलफल जारी

पोखरा जाँदै गरेको बोलेरो टिपरसँग ठोक्किँदा एक जनाको मृत्यु