सम्पर्कविहीन विमान खोजीमा मौसम समस्या, मौसमविद् भन्छन्–आज दिनभर आकाश खुल्ने सम्भावना देखिँदैन

समाचार

नेपाल लाइभ आइतबार, जेठ १५, २०७९ १२:४३

काठमाडौं- पोखराबाट जोमसोमतर्फ उडान गरेको तारा एअरको जहाज सम्पर्कविहीन भएसँगै खोजीका लागि हेलिकप्टर सहितको टोली पठाइए पनि प्रतिकूल मौसमका कारणले समस्या देखिएको छ।

मौसमका कारणले गर्दा त्यहाँ हेलिकप्टर पठाइए पनि अवस्था पत्ता लाग्न सकेको छैन।

जल तथा मौसम विज्ञान विभागको मौसम पूर्वानुमान महाशाखाका अनुसार आज बिहानैदेखि पोखरा, जोमसोम लगायतका क्षेत्रमा हल्का वर्षा भइरहेको छ। त्यहाँ मौसम बदलिने क्रम जारी रहेको छ। ‘बिहान पनि केही वर्षा भएको थियो। अहिले पनि वर्षाको सम्भावना बाँकी नै छ,’ वरिष्ठ मौसमविद् प्रतिभा मानन्धरले भनिन्,‘आज आकाश खुल्न सक्ने सम्भावना निकै कम देखिएको छ।’

पोखरा जोमसोम क्षेत्रमा आज बिहान मात्र ० दशमलव २ मिलिलिटर वर्षा भएको छ। मानन्धरका अनुसार प्रदेश १, मधेस प्रदेश, गण्डकीसहित बागमती प्रदेश लगायतका क्षेत्रमा प्रतिकूल मौसम रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

देशमा देखिएको प्रतिगामी षड्यन्त्र सफल हुन दिइँदैन : अध्यक्ष प्रचण्ड

ओली, देउवा र प्रचण्डबीच छलफल जारी

पोखरा जाँदै गरेको बोलेरो टिपरसँग ठोक्किँदा एक जनाको मृत्यु