काठमाडौं– बिमा कम्पनीहरुमा अहिलेसम्मकै ठूलो मर्जरको सम्झौता भएको छ। बिहीबार तीन बिमा कम्पनीले मर्जरमा जाने सहमति पत्रमा हस्ताक्षर गरेका छन्।
बिमा समितिले एक वर्ष भित्र जीवन बिमा कम्पनीहरुलाई न्यूनतम ५ अर्ब रुपैयाँ र निर्जीवन बिमा कम्पनीहरुलाई २ अर्ब ५० करोड रुपैयाँ चुक्ता पुँजी कायम गर्न निर्देशन छ।
समितिको निर्देशन अनुसार पुँजी वृद्धि गर्न वैशाख २२ गते बिहीबार दुई कम्पनीहरुले मर्जरमा जाने प्रारम्भिक सम्झौता भएको छ। यसैगरी, वैशाख २९ गते तीन वटा बिमा कम्पनी मर्जरमा गएर एक हुनेगरी आज (वैशाख २९ गते) सहमति भएको छ।
बिमा समितिले बिमा कम्पनीलाई गत चैत ११ गते कम्पनीले चुक्ता पुँजी बढाउने योजना बनाएर वैशाख १० भित्र बिमा समितिलाई बुझाउन निर्देशन दिएको थियो। सोही निर्देशन अनुसार बिमा समितिहरुले चुक्ता पुँजी बढाउन मर्जरमा जाने बाटो रोजेर दुई बिमा कम्पनी बिमा समितिसँग पुगि सकेका छन्।
कम्पनीको निर्देशन अनुसार तीनवटा जीवन बिमा कम्पनी गुराँश लाइफ इन्स्योरेन्स, युनियन लाइफ इन्स्योरेन्स र प्राइम लाइफ इन्स्योरेन्सले मर्जरमा जान सहमतिपत्रमा हस्ताक्षर गरेको प्राइम लाइफ इन्स्योरेन्स कम्पनीका कार्यकारी अधिकृत मनोज भट्टराई बताउँछन्।
भट्टराईका अनुसार काठमाडौंको एक होटलमा आज तीनवटै कम्पनीका सम्बन्धित अधिकारीहरुले मर्जरमा जाने सम्झौतापत्रमा हस्ताक्षर गरेका हुन्।
बिमा कम्पनीहरुमा सबै भन्दा पहिले मर्जरमा जानको लागि दुई कम्पनीले सम्झौता गरिसकेका छन्। बिमा समितिले एभरेष्ट इन्स्योरेन्स कम्पनी र हिमालयन जनरल इन्योरेन्स कम्पनीलाई मर्जर जान सैद्धान्तिक सहमति प्रदान गरेको छ। वैशाख २२ गते बिहीबार दुई कम्पनीहरुले मर्जरमा जाने प्रारम्भिक सम्झौता भएको थियो।
समितिले बीमक गाभ्ने/गाभिने तथा प्राप्ती गर्ने सम्बन्धमा निर्देशिका, २०७६ को दफा ६ बमोजिम दुई बीमकहरुलाई एक आपसमा गाभ्न/गाभिन वैशाख २३ गते सैद्धान्तिक सहमति प्रदान गरेको हो।
बिमक गाभ्ने र गाभिने तथा प्राप्ति गर्ने निर्देशिकाको दफा ७ बमोजिम मूल्याङ्ककर्ताको नियुक्ति गरी समितिलाई विवरण पेश गर्न पनि समितिले निर्देशन दिएको छ।
मर्जर पछिको चुक्ता पुँजी
चालु आर्थिक वर्षको तेस्रो त्रैमाससम्म आउँदा प्राईम लाइफको चुक्ता पुँजी दुई अर्ब ७७ करोड ९६ लाख रुपियाँ रहेको छ। यसैगरी, युनियन लाइफको दुई अर्ब १५ करोड रुपियाँ मात्रै छ र गुराँस लाइफको चुक्ता पुँजी दुई अर्ब ८ करोड ४२ लाख रुपियाँ रहेको छ। मर्जरपछिको पुँजी ७ अर्ब रुपियाँभन्दा धेरै हुनेछ।
यसैगरी, चालु आवको तेस्रो त्रैमासम्म आउँदा हिमालयन जनरलको चुक्ता पुँजी १ अर्ब १७ करोड रुपैयाँ छ र एभरेष्ट इन्सुरेन्सको चुक्ता पुँजी १ अर्ब २५ करोड रुपैयाँ छ।
यी बिमा कम्पनीले बिमा समितिले तोकिएको पुँजी पुर्याउनको लागि मर्जरको बाटो रोजेका हुन्। बिमा कम्पनीबीच यो पहिलो मर्जर सम्झौता पनि हो। समितिले निर्जीवन बिमा कम्पनीहरुको चुक्ता पुँजी १ अर्ब रुपैयाँबाट बढाएर साढे २ अर्ब रुपैयाँ पुर्याएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
