काठमाडौं– नेपाल प्रहरीको २९औं महानिरीक्षक (आईजी) बढुवाविरुद्ध सर्वोच्च अदालतमा दायर भएको रिटको पहिलो सुनुवाइ सुरु भएको छ।
धीरजप्रताप सिंहलाई प्रहरीको आईजी नियुक्त गर्ने मन्त्रिपरिषद्को निर्णयविरुद्ध प्रहरी अतिरिक्त महानिरीक्षक (एआईजी) विश्वराज पोखरेलले सोमबार सर्वोच्च अदालतमा रिट दायर गरेका थिए।
रिटमाथि प्रारम्भिक सुनुवाइका लागि बुधबार पेसी तोकिएको थियो। बुधबार न्यायाधीश सुष्मालता माथेमाको इजलासमा मुद्दाको सुनुवाइका लागि पेसी तोकिएकोमा सरकारी पक्षबाट सरकारी वकिल र आईजी धीरजप्रताप सिंहका निजी कानुन व्यवसायीले पनि बहसमा सहभागी हुनुपर्ने माग गरेका छन्।
अहिले न्यायाधीश माथेमाको इजलासमा रिटमाथि सुनुवाइ सुरु भएको छ। सुनुवाइको सुरुमा रिट निवेदक पक्षका कानुन व्यवसायीले बहस गरिरहेका छन्।
निवेदकका पक्षबाट मेघराज पोखरेलले बहस गरेका छन्। उनले अदालतमा मुद्दा विचाराधीन हुँदाहुँदै जुनियर बढुवा गरिएको बताए।
बढुवा गैह्रकानुनी रहेकाले यसलाई बदर गरी नियम अनुसार विश्वराज पोखरेललाई बढुवा गर्न अन्तरिम आदेश जारी गर्नुपर्ने उनले बताए।
सिंहभन्दा पोखरेल १७ महिना बरिष्ठ रहेकाले वरिष्ठताका आधारमा पनि पोखरेलकै बढुवा हुनुपर्ने उनको माग थियो। ‘एक महिना अघिमात्र वढुवा भएको ब्यक्तिलाई पिक एण्ड चुज गरिएकाले वदर हुनुपर्छ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
-1786513116.png)
