काठमाडौं– काठमाडौं महानगरपालिकाको मेयरका लागि नेकपा एमालेको तर्फबाट उम्मेदवारी दिएका केशव स्थापितले आफू महिलामैत्री भएको दाबी गरेका छन्।
उनले आफू महिलामैत्री भएकाले उनीहरुसँग आफ्नो धेरै फोटोहरू हुन सक्ने तर्क गरे। तर, महिलाहरूमाथि आफूले कुनै पनि अनुचित सम्बन्ध नराखेको स्थापितको दाबी छ।
मंगलबार काठमाडौं महानगरपालिका वडा नम्बर १० मा आयोजित चुनावी अन्तरक्रिया कार्यक्रममा बोल्दै स्थापितले कहिल्यै संगत नै नगरेका महिलासँग जोडेर आफूलाई आरोपित गरिएको समेत बताए।
आफूले दुर्व्यवहार गरेको भनिएकी महिलासँग कहिल्यै संगत नगरेको उनको भनाइ छ। आफू मेयर हुँदा सम्पदा विभागमा काम गर्न आएकी ती महिलासँग कहिल्यै संगत नगरेको स्थापितले बताए।
स्थापितले आफू विगतमा मेयर हुँदा महानगरपालिकामा महिलालाई समेटेर खेलकुदको छुट्टै विभाग बनाउने प्रयास गरेको स्मरण गरे।
‘मैले दिने त फल हो नि। मैले गाली त दिन्नँ। म हिंसाको विरोधी। महिलाहरुको सम्मान गर्ने, महिलाहरुलाई आदर गर्ने र महिलाहरुसँग काम गर्दा मलाई सहज हुन्छ भन्छु। यो मेरो निजी प्राक्टिकल अनुभव हो’, उनले भने।
स्थापितले आफू महिला हिंसा विरोधी भएकाले उनीहरुमाथि आरोप लगाउँदा पनि आफूले गालीमा जवाफ दिन नचाहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771329290.png)
-1764146706.png)
