आगामी वैशाख ३० मा हुन स्थानीय तहको निर्वाचनमा अधिकांश पालिकामा कुनै न कुनै किसिमको तालमेल भएका छन्। सत्ता गठबन्धन आबद्ध दलहरुले केन्द्रीय रूपमै घोषित तालमेल गरेका छन्। अर्कोतिर, नेकपा एमालेले पनि सम्भव भएका पालिकामा तालमेल गरेको छ। त्यसैले यसपटकको निर्वाचनमा अधिकांश स्थानमा दुई पक्षीय प्रतिस्पर्धा हुने निश्चितप्रायः छ।
नेपाल लाइभले प्रतिस्पर्धामा उत्रिएका विभिन्न उम्मेदवारहरुसँग संवाद गरिरहेको छ। ती उम्मेदवारको मौलिक अजेन्डादेखि प्रतिस्पर्धी उम्मेदवारप्रतिको मूल्यांकनबारे पनि जिज्ञासा राखेका छौँ। यसपटक काठमाडौंको दक्षिणकाली नगरपालिकाको प्रमुखमा नेकपा एमालेबाट उम्मेदवारी दिएका श्रीराम आचार्यसँग नेपाल लाइभका लागि ईश्वर बरालले गरेको कुराकानी प्रस्तुत गरेका छौँ :
तपाईंलाई किन जनताले भोट दिने?
म लामो समय देखि नेकपा एमालेको विभिन्न संगठनमा बसेर जनताको सेवामा समर्पित कार्यकर्ता हुँ। साथै म २०५४ को स्थानीय तह निर्वाचनमा साविकको छैमले गाविसबाट लोकप्रिय मत प्राप्त गरेर जनतामा परीक्षित मान्छे हुँ। समग्र दक्षिणी भेगको विकासको पहलका लागि मेरो महत्त्वपूर्ण भूमिका रहँदै आएको छ। त्यसैले जनताले मलाईं लोकप्रिय मत दिनु हुन्छ।
फोहोर व्यवस्थापन र सडक विस्तारमा तपाईंको योजना के छ?
सडक विकासको जननी हो। हाम्रो नगरपालिका हुँदै केन्द्रीय राजधानी र प्रदेश राजधानी जोड्ने महत्त्वपूर्ण राजमार्ग रहेको छ। यसको छिटो स्तरोउन्नती गरेर प्रयोगमा ल्याइने छ। त्यस्तै भीमफेदीदेखि कुलेखानी जोड्ने सुरुङमार्ग हाम्रै योजना हो। यो निर्माण गर्ने मेरो प्रमुख अजेन्डा रहेको छ। यसले नयाँ रोजगारी सिर्जनासँगै विकासको नयाँ आयाम निर्माण हुने छ। फोहोरको लागि हाम्रो आफ्नै ल्यान्डफिल छैन। तर, हामी यसलाई स्थानीयस्तरमै व्यवस्थापन गर्छौं। जनतालाई वैज्ञानिक तवरले यसको व्यवस्थापन गर्न प्रेरित गर्छौं।
शिक्षाको गुणस्तर सुधारको लागि कसरी काम गर्नुहुन्छ ?
म लामो समयसम्म शिक्षण पेशामा संकलन रहेकोले यसका समस्याहरू मलाई अनुभूत स्तरमा थाहा छ। स्थिति लथालिङ्ग छ। यसलाई सुधारेर शिक्षा नै विकासको पहिलो आँखा हो भन्ने मुख्य उद्देश्य राखेको छु। त्यसलाई पूरा गर्न सरकारी नियमक निकायलाई चुस्त र दुरुस्त राख्ने अठोट लिने छु।
रोजगारी सिर्जना गर्ने योजना के छ ?
हाम्रो नगर प्राकृतिकरुपमा अत्यन्त धनी रहेको छ। यहाँका डाँडाहरू प्राकृतिकरुपमा भ्यू टावर बराबर छन्। पर्यटकलाई पर्याप्तरुपमा आर्कषित गर्न सकिन्छ। हात्तीवनको डाँडो, चन्द्रगिरी भालेश्वरको डाँडो, खार्पाको डाँडो आदी, प्रकृतिकरुपले भरिपूर्ण स्थानमा पर्यटकीय केन्द्र बनाएर होटल, रिसोर्टहरू निर्माण गरी पर्याप्त रोजगारी सिर्जना गर्ने योजना रहेको छ। होम स्टे संचालन गर्न सकिन्छ। आन्तरिक पर्यटकलाई आकर्षण गर्ने दक्षिणकाली मन्दिर रहेकोले यसको अझ प्रर्वद्धन गरिनेछ। अतः यि सबै रोजगार सिर्जना गर्ने क्षेत्रहरु हुन्। सामूहिक कृषि तथा पशुपालनको योजना अघि सारेका छौँ। नस्पाती र लप्सीको पकेट क्षेत्र निर्माण गरी त्यसको प्रशोधन गरी निर्यात गर्ने योजना छ।
तपाईंले प्रतिस्पर्धी उमेरद्वारलाई कसरी हेर्नु भएको छ?
यहाँ कागजी गठबन्धन रहेको छ। गठबन्धनको चोटले अन्य पार्टीका कार्यकर्ताहरु हामीलाई माया गरिरहनु भएको छ। हेर्दा गठबन्धन भए पनि जनताको गठबन्धन हामी तिर छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
