ललितपुर-ललितपुरमा कूल दुई लाख ४३ हजार ८८४ मध्ये महिला मतदाता बढी छन्। जिल्लामा पुरुष मतदाता एक लाख १८ हजार ९ सय ३३ छन् भने महिला मतदाताकाे संख्या एक लाख २४ हजार ९ सय ५० छ। तेस्रो लिङ्गी एक जना छन्।
जिल्लामा एक महानगरपालिका, दुई नगरपालिका र तीन गाउँपालिका छन्। ललितपुर महानगरपालिकामा महिला ६३ हजार ४ सय ३७ र पुरुष ५९ हजार ४ सय ५३ गरी कूल एक लाख २२ हजार ८ सय ९० मतदाता रहेको जिल्ला निर्वाचन कार्यालयकी प्रमुख गोमा घिमिरेले जानकारी दिइन्।
यस्तै महालक्ष्मी नगरपालिकामा पुरुष १७ हजार ५ सय ४८ र महिला १९ हजार १ सय १९ गरी कूल ३६ हजार ६ सय ६७, गोदावरी नगरपालिकामा पुरुष २६ हजार ६ सय २९ र महिला २७ हजार ७ सय ६९, तेस्रोलिङ्गी एक गरी कूल ५४ हजार ३ सय ९९ मतदाता छन्। कोन्ज्योसोम गाउँपालिकामा पुरुष चार हजार ३ सय १२, महिला चार हजार २ सय ७६ गरी कूल आठ हजार ५ सय ८८, बागमती गाउँपालिकामा पुरुष पाँच हजार ९ सय ६०, महिला ६ हजार ३ सय ६८ गरी कूल १२ हजार ३ स २८ तथा महाङ्काल गाउँपालिकामा पुरुष चार हजार ६ सय २३, महिला चार हजार ३ सय ८९ गरी कूल नौ हजार १२ मतदाता रहेको घिमिरेले बताइन्।
त्यसैगरी ललितपुरमा १३१ मतदानस्थल र २८८ मतदान केन्द्र निर्धारण गरिएको छ। ललितपुर महानगरपालिकामा ५२ मतदानस्थल र १३७ मतदान केन्द्र, महालक्ष्मीमा १८ मतदानस्थल र ४३ मतदान केन्द्र, गोदावरीमा ३१ मतदानस्थल र ६६ मतदान केन्द्र, कोन्ज्योसोममा सात मतदान स्थल र १२ मतदान केन्द्र, बागमतीमा १३ मतदानस्थल र १७ मतदान केन्द्र तथा महाङ्कालमा १० मतदानस्थल र १३ मतदान केन्द्रको व्यवस्था गरिएको छ।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
