माधव नेपाल , विमलेन्द्र निधि र रेणु दाहालको विमानस्थलमा जम्काभेट

स्थानीय निर्वाचन

नेपाल लाइभ आइतबार, वैशाख १८, २०७९ १२:१०

काठमाडौं– चासोका साथ हेरिएको चितनवको भरतपुर महानगरपालिको निर्वाचन प्रचार प्रसार चलिरहँदा एकीकृत समाजवादी पार्टीका अध्यक्ष माधवकुमार नेपाल र नेपाली कांग्रेसका नेता विमलेन्द्र निधि र रेणु दाहालका विचमा भेट भएकाे छ । नेपाल र निधि ‍‍‍‍काठमाडाैबाट मधेश प्रदेश जान लागेकाे र दाहाल आफ्नाे निर्वाचन क्षेत्रमा चुनाव प्रचारका लागि जान लागेकी हुन् । उनीहरुकाे जम्काभेट विमानस्थलकाे विशिष्ठ कक्षमा भएकाे थियाे । दाहालले आफ्नाे फेसवुकमा उनीसगकाे सामुहिक तस्विर शेयर गर्दै काठमाडाैवाट भरतपुर जादै भनेर लेखेकी छन् ।

भरतपुरमा नेपाली कांग्रेसका नेता जगन्नाथ पौडेलले बागी उम्मेदवारी दर्ता गरेर प्रचार थालिसकेका छन्। उनले केन्द्रले उम्मेदवारी फिर्ता लिन दिएको निर्देशन अस्वीकार गरेका थिए।

भरतपुरमा नेकपा एमालेले विजय सुवेदीलाई उम्मेदवार बनाएको छ। सत्ता गठवन्धनको भागबन्डामा माओवादी केन्द्रलाई परेका कारण कांग्रेसका स्थानीय नेताहरूले असन्तुष्टि जनाउँदै उक्त क्षेत्रमा विद्रोह गरेका थिए। गठबन्धनको तर्फबाट माओवादी केन्द्रकी रेणु दाहाल उम्मेदवार छन्।

कांग्रेस नेता पौडेलको उम्मेदवारीले दाहाललाई समस्या पार्ने देखिपछि प्रधानमन्त्री शेरबहादुर देउवाले नै फिर्ता गराउने प्रयास गरेका थिए। उनले गृहमन्त्री बालकृष्ण खाण र राज्यमन्त्री उमेश श्रेष्ठलाई उक्त निर्वाचन क्षेत्रमा पठाएका थिए।

तर, पौडेलले उनीहरूको प्रस्ताव अस्वीकार गरेका थिए। वैशाख ३० गते हुने निर्वाचनमा दाहाल दोस्रोपटक मेयरका लागि मैदानमा छन्।

*यस अघि सम्प्रेषण भएकाे समाचारमा गलत सुचना गएकाले सच्चाइएकाे ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा