काठमाडौं–नेपाल भ्रमणमा रहेका विश्व स्वास्थ्य संगठन (डब्लुएचओ) महानिर्देशक डा टेड्रोस अधानोम गेब्रेयससले राष्ट्रिय सभाका अध्यक्ष गणेशप्रसाद तिमिल्सिनासँग शिष्टाचार भेट गरेका छन्। उनले सिंहदरबारस्थित अध्यक्ष तिमिल्सिनाको कार्यकक्षमा बिहीबार भेट गरेका हुन्।
भेटका क्रममा अध्यक्ष तिमिल्सिनाले कोरोनाको कठिन समयमा संसारभरिका मानिसको जीवन बचाउनका लागि डब्लुएचओले निर्वाह गरेको भूमिकाको प्रशंसा गरे। ‘विशेषगरी कोभिड-१९ महामारीको समयमा तपाईंको बलियो, व्यावहारिक र दूरदर्शी नेतृत्वको नेपाल प्रशंसा गर्दछ,' उनले भने, ‘तपाईंको यो योगदानलाई विश्वले सधैं सम्झिरहनेछ।' तिमिल्सिनाले नेपाललाई कोभिड–१९ नियन्त्रण तथा यसविरुद्धको खोपका लागि प्रदान गरेको सहयोगका लागि डब्लुएचओलाई धन्यवाद दिए।
‘नेपाल सन् २०२२ को मध्यसम्ममा शतप्रतिशत पूर्ण खोप लगाइसक्ने विश्व स्वास्थ्य संगठनको लक्ष्य हासिल गर्ने बाटोमा छ,' उनले भने, ‘यस महामारीको समयमा नेपाललाई सबै सहयोग उपलब्ध गराउनु भएकोमा नेपाल सरकार र नेपाली जनताका तर्फबाट म धन्यवाद दिन चाहन्छु।'
उनले विश्वभर कोभिडविरुद्धको खोपको समान वितरण हुनुपर्ने जोड दिँदै विशेषगरी केही अफ्रिकी तथा अल्पविकसित मुलुकहरुमा समान वितरण नभएको भन्ने आवाज उठेकोप्रति ध्यानाकर्षण गराए। तिमिल्सिनाले अन्तर व्यवस्थापिका संघको १४४औं सम्मेलनमा समेत यो विषय उठेको जानकारी गराउँदै यसमा डब्लुएचओले ध्यान दिनुपर्नेमा जोड दिए।
‘नेपाललाई औषधिको गुणस्तर नियन्त्रण र पहुँचलगायतका क्षेत्र, उन्नत प्रयोगशाला, नियामक क्षमता, मानव संसाधन विकास, प्रविधि स्थानान्तरण र चिकित्सा अनुसन्धान निदानका क्षेत्रमा विश्व स्वास्थ्य संगठनबाट सहयोग र समर्थन आवश्यक छ,' अध्यक्ष तिमिल्सिनाले भने।
उनले महानिर्देशक टेड्रोसलाई दोस्रो कार्यकालका लागि भएको मनोनयनलाई नेपालका तर्फबाट समर्थन गर्दै सफल कार्यकालको शुभकामना दिए।
त्यसैगरी भेटका क्रममा महानिर्देशक टेड्रोसले नेपाली संसदको नेतृत्वकर्ताको रुपमा अध्यक्ष तिमिल्सिनालाई स्वास्थ्य क्षेत्रमा राखेको चासोबाट आफू प्रभावित भएको बताए।
‘तपाईँ बोलेरमात्रै होइन स्वास्थ्यसम्बन्धी कार्यक्रमहरुमा सक्रिय रुपमा सहभागी हुनुभएको छ,ﾚ उनले भने, ‘डब्लुएचओसँगको सहकार्यमा यहाँले नेतृत्व गरेर भएका कार्यक्रमहरुले कोभिडको समयमा सबै राजनीतिक पार्टी तथा जनप्रतिनिधिहरुलाई एकजुट हुन र यसको नियन्त्रणमा साझा रुपमा लाग्न प्रेरित गरेको छ।'
कानुन निर्माणमा स्वास्थ्य क्षेत्र खासै प्रथामिकतामा पर्न नसकेको बताउँदै टेड्रोसले नेपालको संसदले कानुन निर्माणमा स्वास्थ्य क्षेत्रलाई प्रथामिकता दिनुपर्ने बताए। उनले आईपीयूको १४४ औं सम्मेलनमा कोभिड खोपलगायतका विषयमा अध्यक्ष तिमिल्सिनाले राखेको धारणाका लागि धन्यवाद पनि दिए।
भेटमा डब्लुएचओकी दक्षिणपूर्व एसिया क्षेत्रीय कार्यालयकी निर्देशक डा पूनम क्षेत्रपाल सिंहले स्वास्थ्य क्षेत्रमा नेपालले हासिल गरेको उपलब्धीको प्रशंसा गर्दै विशेषगरी खोप, शिशु तथा मातृमृत्युदरमा हासिल गरेको उपलब्धी उदाहरणीय रहेको र त्यसबाट अन्य मुलुकले सिक्नसक्ने बताइन्।
.jpg)
.jpg)
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773072269.png)
-1773054140.png)
-1773053162.png)
-1764146706.png)
-1772777462.png)
