सुनको ६ थान सिक्रीसहित विमानस्थलबाट तीन जना पक्राउ

समाचार

नेपाल लाइभ सोमबार, चैत २८, २०७८ १५:१०

काठमाडौं– सुनको ६ थान सिक्रीसहित त्रिभुवन अन्तर्राष्ट्रिय विमानस्थलबाट तीन जना पक्राउ परेका छन्।

पक्राउ पर्नेमा रसुवाको नौकुण्ड गाउँपालिका–१ स्थायी ठेगाना भएका ३२ वर्षीय सुकुराम लामा र नौकुण्ड गाउँपालिका–६ का २७ पेम्बा थोक्रा तथा २२ वर्षीय बुद्धिमान तामाङ छन्।

उनीहरूको साथबाट दुई/दुई थान सुनको सिक्री बरामद भएको प्रहरीले जनाएको छ। उनीहरूबाट बरामद सुनको बजार मूल्य २५ लाख ५९ हजार ६२५ रूपैयाँ ७४ पैसा रहेको प्रहरीले बताएको छ।

शनिबार एयर अरेवियाको उडानद्वारा सारजाहाबाट काठमाडौं ओर्लिएका उनीहरूको गतिविधि शंकास्पद देखिएछि विमानस्थलको आगमन टनेल गेटमा नियन्त्रणमा लिई जाँच गर्दा उक्त सुन फेला परेको प्रहरीको भनाइ छ।

बरामद सुनको सिक्रीसहित तीनै जनालाई थप अनुसन्धान एवं आवश्यक कारबाहीका लागि त्रिभुवन विमानस्थल भन्सार कार्यालय, गौचरमा बुझाइएको विमानस्थल प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

सामाजिक सञ्जाल विधेयकप्रति माओवादी केन्द्रको आपत्ति, परिमार्जन गर्न माग

प्रतिनिधिसभामा ६ वटा अध्यादेश पेस, अर्को बैठक २४ गते बस्ने