वर्षाको ६ वर्षे अभिनय यात्रा : अधिकांश फिल्म ‘हिट’

सिनेमा

नेपाल लाइभ शुक्रबार, चैत २५, २०७८ १८:०८

काठमाडौं– अभिनेत्री वर्षा राउतले फिल्म क्षेत्रमा प्रवेश गरेको ६ वर्ष पूरा गरेकी छन्। शुक्रबार राउतले सामाजिक सञ्जालमार्फत् आफ्नो यात्राले ६ वर्ष पूरा गरेको बताउँदै दर्शकलाई धन्यवाद दिएकी छन्।

‘आज नेपाली चलचित्र क्षेत्रमा मेरो ६ वर्ष पूरा भएको छ,’ उनले सामाजिक सञ्जालमा लेखेकी छन्, ‘यो ६ वर्ष आँखा झिम्काए जसरी बितेजस्तो लाग्छ। म आफ्नो करिअरमा जहाँ छु, त्यसमा गर्व गरिरहेको छु।’

वर्षाले आफ्नो यो यात्रालाई फर्किएर हेर्दा आफूमाथि निकै गर्व लाग्ने बताएकी छन्। उनले यो समयमा माया, प्रशंका, समर्थन र आलोचना गर्ने सबैलाई धन्यवाद दिँदै त्यसका लागि सधैं कृतज्ञ हुने बताएकी छन्। उनी लेख्छिन्, ‘म सधैं आफूमा भएको उर्जालाई फिल्ममा दिनेछु।’

२०१६ मा प्रदर्शनमा आएको फिल्म ‘नाई नभन्नु ल ४’मार्फत् आफ्नो अभिनयको यात्रा सुरु गरेकी वर्षाले यो अवधीमा आधा दर्जनभन्दा धेरै फिल्ममा काम गरेकी छन्।

उनले अभिनय गरेका प्राय : फिल्म बक्सअफिसमा हिट छन् भने कतिपय समिक्षकका माझमा सफल भएका छन्। ‘नाई नभन्नु ल ४’सँगै उनले काम गरेका ‘जात्रा’, ‘छक्का पञ्जा’, ‘छक्का पञ्जा २’, ‘गोपी’, ‘जात्रै जात्रा’लगायतका फिल्म चर्चित फिल्महरु हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड