जी–बबले गाए ‘ए मेरो हजुर ४’ को गीत

सिनेमा

नेपाल लाइभ बिहीबार, चैत २४, २०७८ १८:२३

काठमाडौं–‘मिलेन लेबल तेरो बोउ बोला ए..’ र्‍याप बोलको गीतमार्फत् निकै चर्चा कमाएका युवा गायक जी–बब (सुदीप भण्डारी)ले ‘ए मेरो हजुर ४’को लागि गीत गाएका छन्। वैशाख १ मा प्रदर्शनमा आउने फिल्मका लागि जी–बबले गीत गाएका हुन्।

सामाजिक सञ्जालमार्फत् फिल्मका मुख्य कलाकार अनमोल केसी र सुहाना थापाले तस्बिर सार्वजनिक गर्दै जी–बबले फिल्मका लागि गीत गाएको जानकारी दिएका हुन्। केही महिनाअघि ‘एएनटीएफ’ नामक सांगितिक प्रतिस्पर्धामार्फत् चर्चामा आएका उनले फिल्मका लागि गाएको यो पहिलो गीत हो।

यसबीच फिल्मका कलाकार अनमोल र सुहानासँग गायक जी–बबले भेट पनि गरेका छन्। बुधबार उनीहरुले बानेश्वरस्थित ‘मोक्ष लाउञ्ज’मा भेट गरेका हुन्।

फिल्मका लागि गीत गाउने विषयकै सेरोफेरोमा रहेर उनीहरुको भेट भएको हो। जी–बबले गाएको गीत कहिले सार्वजनिक हुन्छ भन्ने कुरामा भने केही सार्वजनिक गरिएको छैन।

१ वैशाखबाट प्रदर्शनमा आउन लागेको अनमोल र सुहानाको फिल्म ‘ए मेरो हजुर ४’लाई झरना थापाले निर्देशन गरेकी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड