सिन्धुपाल्चोक– सिन्धुपाल्चोकको त्रिपुरासुन्दरीमा भिरबाट लडेर एक जनाको मृत्यु भएको छ।
मृत्यु हुनेमा त्रिपुरासुन्दरी–३ पहरेपानीका ३० वर्षीय सन्तोष थामी रहेको जिल्ला प्रहरी कार्यालयले जनाएको छ।
सोमबार दिउँसो ३ बजेतिर घरमाथि रहेको भिरबाट लडेका थामीको टाउकामा गम्भीर चोट लागेको थियो। उनलाई प्राथामिक स्वाथ्य केन्द्र बाह्रबिसेमा लगिएकोमा त्यहाँ उपचार सम्भव नभएपछि काठमाडौंको ट्रमा सेन्टर पुर्याइएको थियो।
उनको उपचारका क्रममा मंगलबार बिहान मृत्यु भएको जिल्ला प्रहरी कार्यालयका सिन्धुपाल्चोकका नायब उपरीक्षक दक्षकुमार बस्नेतले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।