फ्राइडे रिलिजः ‘हेल्लो जिन्दगी’ आजबाट हलमा

सिनेमा

नेपाल लाइभ शुक्रबार, चैत १८, २०७८ १२:००

काठमाडौं– शुक्रबारबाट सिनेमा हलमा ‘हेल्लो जिन्दगी’को प्रदर्शन सुरु भएको छ। एभरेष्ट सूर्य बोहोराको निर्देशनमा बनेको फिल्म आजबाट नेपाली फिल्म हलमा प्रदर्शन भएको हो।

महारानी इन्टरटेनमेन्टको ब्यानरमा बनेको फिल्ममा प्रेम प्राप्तीका लागि एक पात्रले गरेको संघर्षको कथालाई देखाइएको छ। बोहोरा र ब्रिकम डि जोशीको लेखनमा आधारित फिल्मको पटकथा निर्देशक बोहोरा र अभिमन्यु निरवीको रहेको छ।

फिल्ममा ब्रिकम डि जोशी, प्रियंका कार्की, दिपिका प्रसाईं, बिक्रान्त बस्नेत, विल्सन ब्रिकम राई र निर्दशक बोहोराको अभिनय रहेको छ। फिल्मको द्वन्द्व निर्देशक सम्राट बस्नेले गरेका छन् भने फिल्म्लाई मार्लोभ ढुंगाना र सिमा गुरुङले सह निर्देशन गरेका छन्।

शुक्रबारबाटै हलिउड फिल्म ‘मर्बियस’ पनि प्रदर्शन भएको छ। मर्बियस कमिक्समा आधारित फिल्मलाई सोनी पिक्चर्सले निर्माण गरेको हो। फिल्मको निर्देशक डनियल एस्पिनोसाले गरेका छन् भने कथा मेट साजामा र ब्रुक सार्पलेसको रहेको छ। फिल्ममा जेरड लेटो, मेट स्मिथ, एड्रिया अर्जोना र जेरेड हेरिसलगायतका कलाकारको अभिनय रहेको छ।

गत साता सिनेमा हलमा प्रदर्शनमा आएको दक्षिण भारतीय फिल्म ‘आरआरआर’को दबदबाबीच एक नेपाली फिल्म सिनेमा हलमा प्रदर्शन हुँदा फिल्मले कति दिनसम्म दर्शक तान्न सक्छ भन्ने हेर्न बाँकी नै छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड