काठमाडौं– नेपाल अन्तर्राष्ट्रिय चलचित्र महोत्सव (निफ) को यो वर्षको संस्करणको सुरुवात आजबाट हुँदै छ। निफको पाँचौ संस्करण बिहीबारबाट काठमाडौंको राष्ट्रिय सभागृहमा आयोजना हुन लागेको हो।
बिहीबारसाँझ ५ बजेबाट औपचारिक रुपमा सुरु हुने निफमा विश्वभरिका विभिन्न देशबाट प्राप्त फिल्महरुको प्रदर्शनीसँगै बहस तथा मास्टरक्लासहरु हुनेछन्। ‘विश्वभरिका कथाहरुको उत्सव, नेपाल अन्तराष्ट्रिय फिल्म महोत्सव’को नारासहित आयोजना भएको महोत्सवमा ३८ देशका ८९ फिल्महरु समेटिएका छन्। यी फिल्महरु फिचर, लघु चलचित्र, वृत्तचित्र, एनिमेसनलगायतका विभिन्न ७ विधामा रहेका छन्।
यी विधाहरुमा फिल्महरुबीच प्रतिस्पर्धा समेत हुनेछ। महोत्सवमा विभिन्न १४ विधामा उत्कृष्ट हुने फिल्मलाई पुरस्कृत पनि गरिनेछ। महोत्सवमा फिल्मको प्रदर्शनसँगै फिल्मका प्राविधिक तथा समसामयिक विषयमा मास्टरक्लास र बहसका कार्यक्रमहरु पनि रहेका छन्।
बिहीबार साँझबाट औपचारिक रुपमा सुरु हुने महोत्सवमा पहिलो फिल्म ‘गोरा पर्व’को प्रदर्शन रहेको छ। उक्त फिल्मलाई डा। पुरु लम्सालले निर्देशक गरेका हुन्।
गत वर्ष कोरोना महामारीका कारण भर्चुअल रुपमै भएको महोत्सव यस वर्ष भने भौतिक उपस्थिति सहित आयोजना भएको छ। बिहिबारबाट सुरु भएको कार्यक्रम चैत्र २१ सम्म चल्नेछ।
महोत्सव चैत २९ गतेसम्म संचालन हुनेछ । कोरोना महामारीका कारण गत वर्षको महोत्सवलाई भर्चुअलमै सिमित राखिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
