काठमाडौं– केही दिनअघि फिल्म ‘बर एन्ड बधु’मा अनुबन्धित भएका कमेडियन हिमेश पन्तको अर्को फिल्मको लुक्स पनि सार्वजनिक भएको छ।
सामाजिक सञ्जालमार्फत पन्त अभिनित फिल्म ‘शमशेर’मा उनको भूमिकाको पहिलो झलक सार्वजनिक भएको हो। फिल्मको निर्माण पक्षले पन्तलाई फिल्मको मुख्य भूमिकामा अनुबन्धित गरेको छ।
पन्तका अनुसार यो एक्सन विधामा आधारित फिल्म रहेको छ। उनले फिल्ममा आफ्नो सम्पूर्ण मिहेनत दिनेभन्दै दर्शकलाई फिल्मलाई साथ दिन अनुरोध गरेका छन्। उनले सामाजिक सञ्जालमार्फत लेखेका छन्, ‘यो एउटा एक्सन फिल्म हो। यो फिल्ममा पनि तपाईंहरुको साथको खाँचो छ है।’
पन्त केही दिनअघि निर्देशक मिलन चाम्सको निर्देशनमा बन्ने फिल्म ‘बर एन्ड बधु’का लागि अनुबन्धित भएका थिए। उक्त फिल्म वैशाखबाट छायांकनमा जाने बताइएको छ।
कमेडी च्याम्पियनको पहिलो सिजनका विजेता पछिल्लो समय फिल्ममा पनि सक्रिय भएका देखिएका छन्। हास्यव्यंग्यमा राम्रो नाम कमाएका उनले फिल्ममा कस्तो गर्नेछन्, त्यो भने हेर्न बाँकी नै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
