काठमाडौं– शंकर ग्रुप अन्तर्गतको जगदम्बा स्टील्सले पहिलो पटक तेस्रो देशमा स्वदेशी उत्पादनको निर्यात सुरू गरेको छ।
कम्पनीले शुक्रवार एक कार्यक्रमका बीच जगदम्बा स्टील्सका उत्पादन जगदम्बा सुपर शाइन र ग्याल्भा प्लस तेस्रो मुलुकमा निर्यात सुरू गरेको जानकारी दिएको हो।
शुक्रबार आयोजित कार्यक्रममा कम्पनीका जनरल म्यानेजर मनोज तिवारीले सुरुवाती चरणमा यी उत्पादनहरू रोमानिया, युएई, दक्षिण अफ्रिका, उत्तर अमेरिका, इटाली र म्यानमारमा उच्च मागका साथ आपूर्ति हुन थालेको जानकारी दिएका थिए।
जगदम्बा स्टील्सले केही समय अगाडि मात्रै ‘सीआर सिट एन्ड कोइल्स’हरू दक्षिण पूर्वी, मध्य पूर्वी एसियाली देशहरु तथा दक्षिण अफ्रिकामा निर्यातको थालनी गरेको थियो।
यसमा तौलको हिसाबले ५५३ एल्युमिनियम ४३.५५, जिंक र १.५% सिलिकन मिश्रण गरिएको हुन्छ। जगदम्बा ग्याल्भा प्लस नेपालमा अत्याधुनिक रुफिड उद्योगमा नयाँ आयाम भएको कम्पनीको दाबी छ।
कम्पनीले ग्याल्भा प्लसलाई जगदम्बा सुपर शाइनले नामाकरण गरेको छ। यसमा विभिन्न रंगहरू विकल्पमा दिइएको छ ।
यसैबीच, जगदम्बा स्टील्सले हालै नेपाली बजारमा ग्याल्भा र सुपर शाइन सार्वजनिक गरेको छ। कम्पनीले केही समय अघि मात्र सिमरा स्थित अत्याधुनिक नयाँ प्लान्टको स्थापना गरी उत्पादन कार्य सुरू गरेको हो।
शंकर ग्रुप अन्तर्गत जगदम्बा स्टील्स नेपालको सबैभन्दा ठूलो फलामे छड उत्पादक कम्पनी हो । यसको उत्पादन क्षमता वार्षिक ३ हजार मेट्रिक टन, रोलिङ मिल (टीएमटी) क्यापसीटी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
