काठमाडौं- भारतको उत्तर प्रदेशको मुख्यमन्त्रीका रुपमा योगी आदित्यले भोली शुक्रबार फेरि जिम्मेवारी सम्हाल्ने भएका छन्।
भारतीय जनता पार्टी (भाजपा) को प्रदेश संसदीय दलको नेतामा बिहीबार उनी निर्वाचित भएका हुन्। योसँगै उनी दोस्रोपटक मुख्यमन्त्री बन्ने सुनिश्चित भएको हो।
लखनऊमा भाजपाका विधायन सदस्यहरूलाई सम्वोधन गर्दै उनले उत्तर प्रदेशमा पहिलो पटक मुख्यमन्त्रीले पाँच वर्षे कार्यकाल पूरा गरेको चर्चा गर्दै त्यस्तो ऐतिहासिक पात्र आफू हुन पाएकोमा गौरव व्यक्त गरे।
उनले पाँच वर्षे कार्यकाल सम्पन्न गरेर दोस्रो कार्यकालको जिम्मेवारीसमेत पाउन लागेकाले थप खुशी बनाएको बताए।
‘मैले र पार्टीले उत्तर प्रदेशमा पाँच वर्षे कार्यकाल सफलतापूर्वक पूरा गरी दोस्रो कार्यकालको पनि जिम्मेवारी पाउनुको मुख्य श्रेय हाम्रो नेतृत्व प्रधानमन्त्री मोदीलाई जान्छ,’ उनले भने।
हालै भएको विधान सभा निर्वाचनमा भारतीय जनता पार्टीले कुल ४०३ सिट मध्ये २५५ सिटमा जित हासिल गरेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788318649.jpeg)
-1786602170.png)
-1786513116.png)
