‘ए मेरो हजुर ४’को ट्रेलर सार्वजनिक

सिनेमा

नेपाल लाइभ बिहीबार, चैत १०, २०७८ २२:१६

काठमाडौं– झरना थापाको फ्रेन्चाइज फिल्म ‘ए मेरो हजुर’को चौथो सिक्वेल ‘ए मेरो हजुर ४’को ट्रेलर सार्वजनिक भएको छ। बिहीबार ‘ए मेरो हजुर ४’ फिल्मको ट्रेलर सार्वजनिक भएको हो।

थापाको निर्देशनमा बनेको फिल्मको ट्रेलरमा अभिनेता अनमोल केसी र अभिनेत्री सुहाना थापाको प्रेमलाई देखाइएको छ।

बुधबार राजधानीमा आयोजित कार्यक्रममा ट्रेलर सार्वर्जनिक गर्दै फिल्मको निर्माण पक्षले फिल्मका अघिल्ला भागहरुलाई जस्तै यो भागलाई पनि दर्शकले माया गर्ने अपेक्षा रहेको बताएका थिए।

फिल्मलाई निर्देशक थापासँगै छेतेन गुरुङले लेखेका छन्। सुनिलकुमार थापा प्रोडक्सन्सको ब्यानरमा निर्माण भएको फिल्मको पटकथादेखि संवादसम्ममा निर्देशक थापासँगै मन्दिप गौतम, बाबुराम दाहाल, प्याट्रिक पौडेल, उपकार पाण्डे, माधव शर्मालगायतले काम गरेका छन्। फिल्मलाई सुहाना इन्टरटेन्मेन्टले वितरण गरेको छ।

‘ए मेरो हजुर ४’लाई लिएर लामो समयदेखि दर्शकमा प्रतिक्षा रहेको छ। आगामी वैशाख १ गते प्रदर्शनमा आउने फिल्मलाई दर्शकले आफूले गरेको अपेक्षाअनुसारको माया गर्ने निर्माण पक्षले विश्वास लिएको छ।

वैशाख १ मा ‘ए मेरो हजुर ४’सँगै दक्षिण भारतीय फिल्म ‘केजिएफ २’को पनि प्रदर्शन हुनेछ।

हेर्नहोस् ट्रेलर

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड