समाचार

खोई खोई म पनि म्यादी बन्छु कि! [तस्बिरहरू]

काठमाडौं– आउँदो स्थानीय तहको चुनावलाई लक्षित गर्दै आइतबारदेखि म्यादी प्रहरीका लागि भर्ना खुलेको छ। म्यादी प्रहरीका लागि ११ गतेसम्म दरखास्त दिन सकिने प्रहरी प्रधान कार्यालयले जनाएको छ।

सबै जिल्ला प्रहरी कार्यालय र उपत्यकाको हकमा तीन वटै परिसरबाट दरखास्त दिन सकिनेछ। दरखास्त दिनेहरू १८ वर्ष पूरा भएको र ५४ वर्ष ननाघेको हुनुपर्ने प्रहरी प्रधान कार्यालयले जनाएको छ।

म्यादी प्रहरीले ४० दिनको सेवा सुविधा पाउनेछन्। म्यादी प्रहरीले तलबबाहेक रासन र पोशाकवापतको रकम पनि पाउनेछन्। सबै सुविधाको रकम जोड्दा ४४ हजार ४४० रुपैयाँ उनीहरूले पाउने देखिन्छ।

आइतबार प्रहरी परिसर काठमाडौंमा म्यादीका लागि फाराम भर्नेको भीड लागेको थियो। म्यादीका लागि साना बच्चा बोकेका महिलाहरू फारम भर्न पुगेका थिए।