काठमाडौं- चीनले जनवरी २०२१ पछि पहिलो पटक कोरोना संक्रमणबाट २ जनाको मृत्यु भएको जानकारी दिएको छ।
चिनियाँ अधिकारीहरूले देशको उत्तरपूर्वी क्षेत्रको जिलिन प्रान्तमा कोरोना संक्रमणबाट एक वृद्ध दम्पतीको मृत्यु भएको जानकारी दिएका हुन्। चीन सरकारले पछिल्लो १४ महिनामा कोरोना संक्रमणबाट कसैको मृत्यु भएको पुष्टि गरेको थिएन।
अहिले चीनमा हरेक दिन कोरोनाको ओमिक्रोन भेरियन्टका केसहरु पुष्टि भइरहेका छन्। चीनको शून्य कोभिड नीति लिएको छ।
नयाँ केस आएपछि चीनका धेरै सहरमा लकडाउन लगाइएको छ। केही सहरहरूमा कडा प्रतिबन्धहरू लागू गरिएको छ। जिलिन प्रान्तमा कोरोना संक्रमणबाट एक वृद्ध दम्पतीको मृत्यु भएपछि कडाइ गरिएको छ।
ती वृद्ध दम्पती अन्य रोगबाट पीडित रहेको अधिकारीहरूले बताएका छन्। जिलिन प्रान्तका दुई करोड ४० लाख मानिसलाई घरबाहिर निस्कन प्रतिबन्ध लगाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
