काठमाडौं– नेकपा माओवादी केन्द्रको केन्द्रीय समितिको बैठक सुरु भएको छ। राष्ट्रिय सभागृहमा जारी बैठकमा महाधिवेशनपछि गठन हुन नसकेको पदाधिकारीको चयन, स्थायी समिति निर्माण, पोलिटब्यूरो कमिटी निर्माण लगायतका विषयमा छलफल हुनेछ।
यस्तै, आसन्न स्थानीय तहको निर्वाचनको तयारीका विषयलाई पनि केन्द्रीय समितिको बैठकको अजेण्डाका रुपमा राखिएको छ। बैठकमा एमसीसीको विषयलाई लिएर पार्टीभित्र देखिएको विवादका विषयमा पनि छलफल केन्द्रित हुने बताइएको छ।
यसअघि पटक–पटक मिति तोकेर स्थगित हुँदै आएको नेकपा माओवादी केन्द्रको केन्द्रीय कमिटी बैठक आजदेखि सुरु भएको हो। बैठकको सुरुवातमा नै नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले पछिल्लो राजनीतिक घटनाक्रम, एमसीसी व्याख्यात्मक घोषणासहित अनुमोदन किन गरियो लगायतका विषयमा केन्द्रीय सदस्यहरुलाई ब्रिफिङ गर्ने कार्यक्रम रहेको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
