काठमाडौं- नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले एमसीसी राष्ट्रिय सहमतिको रुपमा पारित होस् भनेर एमसीसी मुख्यालयलाई संयुक्त पत्र लेखेपछि आफूलाई 'भिलेन' बनाइएको टिप्पणी गरेका छन्।
राष्ट्रिय सहमति कायम होस् भन्नका लागि आफूले यस्तो प्रयास गरेको उनको भनाइ छ।
‘गठवन्धन निर्माण भएपछि मैले र प्रधानमन्त्रीले संयुक्त रुपमा पत्र लेखेको हो ’ उनले भने ‘पत्र बाहिर आएपछि म भिलेन नै जस्तो भएँ। मेरो मनसाय राष्ट्रिय सहमति होस् र यसकै कारण लोकतन्त्र र संविधान खतरामा नपरोस् भन्ने थियो। कसैलाई झुक्याउने र ठग्ने प्रयास थिएन। तर यसलाई यति धेरै विद्रुपीकरण भयो कि प्रचण्ड भन्ने मान्छे नै खत्तम बनाइयो।’
एमसीसीकै कारण सबै समाप्त हुने भएकाले आफूले यस्तो निर्णय लिनु परेको उनको भनाइ छ।
‘एमसीसीका कारण दल र राजनीतिक दलहरु विभाजन हुँदै राष्ट्र नै विभाजन हुन थालेपछि आफूले संविधान र लोकतन्त्रमाथि घात होला कि भनेर अलि छलफल गरेर लैजान भनेको हुँ’ उनले भने ‘मैले नै यसमा राष्ट्रिय सहमति आवश्यक हुन्छ भनेर प्रस्ताव गरेको हुँ। यही अनुसार प्रधानमन्त्रीले बालुवाटारमा सर्वदलीय छलफल बोलाएको हो । तर प्रतिपक्ष एमाले नआउँदा यो सफल हुन सकेन।’
उनले आफूले प्रधानमन्त्री शेरबहादुर देउवासँग बालकोट गएर भए पनि एमाले अध्यक्ष ओलीसँग कुरा राख्न भनेको र यही अनुसार कुराकानी समेत भएको दाबी गर्दै ओली अर्कैतिर लागेका कारण व्याख्यात्मक घोषणामा जान परेको उल्लेख गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
