कस्तो छ आलियाको नयाँ फिल्म ‘गंगुबाई कठियाबाडी’?

सिनेमा

नेपाल लाइभ सोमबार, फागुन १६, २०७८ १३:०७

काठमाडौं– शुक्रबारबाट प्रदर्शनमा आएको आलिया भट्टको फिल्म ‘कठियाबाडी’ले अहिले चर्चा कमाईरहेको छ। एस हुसैन जैदी र जेन बोर्गेसको पुस्तक ‘माफिया क्वीन अफ मुम्बई’मा आधारित रहेर सञ्जय लिला भन्सालीले बनाएको यो फिल्मलाई समिक्षकहरुले पनि सकरात्मक प्रतिक्रिया दिइरहेका छन्।

गंगुबाई कठियावाडीले गंगा (आलिया भट्ट अभिनित)को कथा भन्छ। भारतको गुजरात क्षेत्रको सानो शहरकी महिला कसरी वेश्यालय (कोठी)सम्म पुग्छिन् र त्यहाँ पुगेपछि कसरी यो पेशामा लाग्ने महिलाहरुको अधिकारको लागि संघर्ष गर्छिन् भन्ने कथा फिल्मले देखाएको छ। १९५० देखि १९६० को दशकको कथा भन्ने फिल्ममा देखाइएका दृश्यहरु यर्थाथपरक छन्। भारतको ‘रेड लाइट’ क्षेत्रको यर्थाथ यो फिल्मले बोकेको छ।

फिल्मको सुरुवातमा गंगालाई उनकै प्रेमी रम्निक (बरुन कपुर अभिनित)ले वेश्यालयमा बेचेका हुन्छन्। प्रेमको आडमा गंगालाई बलिउडको हिरोइन बन्ने सपना देखाई उनले वेश्यालयमा पुर्याउँछन्। कमाठिपुराको वेश्यालयमा पुर्याइएकी गंगा आफ्नो नियतीलाई स्वीकार्छिन्। किनकी यसमा दोष उनको हुँदैन्। उनी वेश्वावृत्तिलाई अन्य पेशालाई जस्तै सम्मानजनक पेशाको रुप दिने प्रण लिन्छिन्।

फिल्मले गंगा आफ्नो जीवनका विभिन्न मोडमा कसरी परिवर्तन हुन्छिन् भन्ने कथा भन्छ। फिल्ममा गंगा गंगु बन्छिन्। गंगुबाट गंगुबाई बन्छिन्। फिल्मले विभिन्न पटकथाहरुमार्फत उनको जीवनमा आएको यी परिवर्तनहरुलाई प्रस्तुत गर्छ।

उनी कमठिपुराको वेश्यालयमा नेताको रुपमा बस्छिन्। विस्तारै शहरको माफिया रहेका रहिम लाला (अजय देवगण अभिनित)सँगको सम्बन्धलाई विस्तार गर्छिन्। दुई बीच दाजु बहिनीको सम्बन्ध हुन्छ।

फिल्ममा भारतमा रहेको वेश्यालयमा बेचिने महिलाहरु र उनीहरुले भोग्ने पिडालाई जीवन्त चित्रण गरिएको छ। आलियाले अभिनय गरेको भूमिकामा उनी पूर्ण रुपमा खुलेकी छिन्। खँदिलो गरि लेखिएको फिल्मको कथा र संवादले पनि फिल्मलाई सुन्दर बनाएको छ। फिल्मको क्लाइमेक्समा आलियाले दिने भाषणले समाजमा वेश्यावृत्तिलाई कुन रुपमा लिइन्छ भन्ने देखाउँछ। सँगै त्यो भाषणमार्फत आलिया समाजमा रहेको बुझाईजस्तो यर्थाथ नभएको प्रस्तुत गर्छिन्।

भन्सालीको निर्देशनमा बनेको फिल्ममा हरेक घट्नाहरु अर्थपूर्ण छन्। दृश्यदेखि संवादमा भएको पकडका कारण पनि फिल्म हेर्न लायक छ। थोरै बलिउडको स्वाद, थोरै कलात्मक र थोरै सामाजिक विषयलाई ध्यानमा राखेर निर्देशन गरिएको फिल्म मनोरञ्जनले भरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय