काठमाडौं- कायममुकायम प्रधानन्यायाधीश दीपककुमार कार्कीले न्याय क्षेत्रलाई निष्पक्ष, छिटो, छरितो, पारदर्शी, प्रभावकारी र विश्वसनीय बनाउन चुनौति रहेको बताएका छन्।
आइतबारबाट काठमाडौंमा सुरु भएको १५औं अखिल नेपाल कानून व्यवसायी राष्ट्रिय सम्मेलनमा बोल्दै कायममुकायम प्रधानन्यायाधीश कार्कीले यस्तो बताएका हुन्। उनले न्यायपालिकामा सुशासनको विषय पेचिलो बनेर आइरहेको र न्यायिक सुशासनको प्रत्याभूतिबाट मात्रै न्यायपालिकाप्रतिको आस्था र विश्वास अभिवृद्धि गर्न सकिने बताए।
कायम मुकायम प्रधानन्यायधीश कार्कीले आम नागरिकले विश्वास गर्न सक्ने वातावरणको निर्माण र ठोस एवम् नतिजामूलक कार्यसम्पादन अहिलेको आवश्यक्ता रहेको बताउँदै सबै तहको अदालतमा हुने न्यायाधीशको नियुक्तिलाई योग्यता, क्षमता, इमान्दारिता, न्यायिक निष्ठा तथा उच्च नैतिक चरित्रमा आधारित बनाउनु पर्ने आवाजसमेत उठ्न थालेको पनि बताए।
उनले भने,‘न्यायपालिकाले नागरिकप्रतिको जवाफदेहीता र उत्तारदायित्वको भावनाका साथ कार्य गर्न सक्नुपर्छ। आम नागरिकले विश्वास गर्नसक्ने वातावरणको निर्माण र ठोस एवं नतिजामुलक कार्यसम्पादन अहिलेको आवश्यक्ता हो। सबै तहका अदालतमा हुने न्यायाधीशको नियुक्तिलाई योग्यता, क्षमता, इमान्दारिता, न्यायिक निष्ठा तथा उच्च नैतिक चरित्रमा आधारित बनाउनु पर्ने आवाजसमेत उठेको छ।’
त्यस्तै, नेपाल बार एशोसिएशनका अध्यक्ष चण्डेश्वर श्रेष्ठले कानून व्यवसायीहरुले आफ्नो ठाउँबाट व्यवसायिक मर्यादा कायम राख्नुको साथै न्यायपालिकाको समग्र सुधारका लागि प्रतिवद्धता जनाउनु पर्ने बताए। उनले न्यायपालिकाको अहिलेको अवस्थालाई सुधार गर्न कायम मुकायम प्रधानन्यायाधीश कार्कीले प्रतिवद्धता जनाएकोमा खुशी प्रकट गरे।
उनले भने, ‘हाम्रो बीचमा न्यायपालिकाको जुन अवस्था अहिले छ, त्यो अवस्थाबाट माथि उठाउनको लागि जो प्रतिवद्धता व्यक्त गर्नुभएको छ, हरिकृष्ण कार्कीको प्रतिवेदन कार्यान्वयनको लागि कानून व्यवसायीहरुले आफ्नो ठाउँबाट आफ्नो व्यवसायिक मर्यादा कायम राख्नुको साथै न्यायपालिकाको समग्र सुधारका लागि हामी पनि वचनवद्धता व्यक्त गर्नुपर्दछ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
