कठमाडौं– नेकपा एकीकृत समाजवादीका 'सम्मानित नेता' झलनाथ खनालले एमसीसीसँग सम्बन्धित सबै दस्तावेज संसद्मा वितरण गर्न माग गरेका छन्। प्रतिनिधि सभाको आइतबारको बैठकमा विशेष समय लिएर बोल्दै नेता खनालले यस्तो माग गरेका हुन्।
‘हामीले अध्ययन गर्न पाउनुपर्छ र अनि मात्रै यो सदनले के गर्ने भन्ने निर्णय गर्नुपर्छ,’ उनले भने, ‘एमसीसीसँग सम्बन्धित सबै दस्तावेज संसदमा वितरण गरियोस्। एमसीसीसँग भएको पत्राचार सदनले हेर्न पाउनुपर्छ। कसरी सम्झौता भयो जानकारी हुनुपर्छ।’
उनले नेपालको स्वाभिमानलाई दाउमा राखेर कसैको पनि सहयोग नचाहिने बताए। उनले एमसीसीको विरोधमा सडकमा प्रदर्शन गरिरहेका नागरिकमाथि भइरहेको दमनको निन्दा गरे।
‘देश र जनताले चिन्ता गरिरहेका बेला मानिसहरु सडकमा छन्। प्रशासनले उनीहरुमाथी धरपकड गरिरहेको छ। दमन भइरहेको छ। त्यो दमनको म निन्दा गर्न चाहन्छु,’ उनले भने, ‘संसद् जस्तो एउटा थलोबाट देशविरुद्ध केही हुन्छ कि भनेर जनता चिन्तित बनेका छन्। सांसदहरु हामी भेडाबाख्रा होइन हामीले छलफल गर्न पाउनुपर्छ।’
उनले सर्तै सर्तले एमसीसी जोडिएको भन्दै देशको स्वाभिमानी भन्दा माथी गएर गरिने कुनै सम्झौता स्वीकार्न नसकिने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
