खगेन्द्रको ‘पानीफोटो’ भदौ १० मा प्रदर्शन हुने

सिनेमा

नेपाल लाइभ आइतबार, फागुन १५, २०७८ १३:४७

काठमाडौं– खगेन्द्र लामिछानेले निर्देशनमा डेब्यु गरेको चलचित्र ‘पानीफोटो’को प्रदर्शन मिति सार्वजनिक भएको छ। अभिनेता लामिछानेले निर्देशनमा प्रवेश गरेको फिल्म आगामी वर्ष भदौ १० मा प्रदर्शन हुने भएको छ।

लामिछानेले लेखेको नाटकमा आधारिक रहेर बनेको फिल्म ‘पानी फोटो’मा माओवादी जनयुद्धको समयको कथा प्रस्तुत गरिएको छ। बेपत्ता छोराको पर्खाइमा रहेका बुबाआमाको कथालाई फिल्ममा देखाइएको छ। कोरोना महामारीका कारण फिल्म छायांकनमा ढिलाइ हुँदा प्रदर्शन पनि ढिलो भएको निर्माण पक्षले जनाएको छ।

फिल्म बर्दिया, रोल्पा र स्याङ्जाका विभिन्न भागसँगै काठमाडौंमा छायांकन भएको छ। फिल्ममा लेखक तथा निर्देशन लामिछानेसँगै सुनिल पोखरेल, अनुप बराल, मेनुका प्रधान, प्रकाश घिमिरे, माओत्स गुरुङ, बुद्धि तामाङ, मलिका महतलगायत कलाकारको अभिनय रहेको छ।

टुकी आर्ट्स र मञ्जुश्री फिल्मस्को सहकार्यमा निर्माण भएको यो फिल्मलाई रोजिना सिटौला र रविन्द्र बज्राचार्यले लगानी गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज पृथ्वी जयन्ती तथा राष्ट्रिय एकता दिवस मनाइँदै

सार्वजनिक सेवा प्रवाह सहज बनाउन सरकारले ल्यायो अध्यादेश, यस्ता छन् अरु सुविधा

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय