काठमाडौं– ‘म यस्तो गीत गाउँछु २’ फिल्मका निर्देशक सुदर्शन थापालाई प्रहरीले सोधपुछका लागि बोलाएको छ। बलात्कारको जाहेरी परेपछि फरार रहेका अभिनेता पल शाहको खोजीको क्रममा प्रहरीले सोधपुछका लागि थापालाई बोलाएको हो।
महानगरीय प्रहरी परिसर काठमाडौंका प्रवक्ता प्रहरी उपरीक्षक (एसपी) दिनेश मैनालीले पलबारे जानकारी हुने भएकाले सोधपुछका लागि थापालाई बोलाइएको जानकारी दिए।
मैनालीकाअनुसार उनलाई महानगरीय प्रहरी वृत बानेश्वरले सोधपुछका लागि बोलाएको हो। मैनालीले भने, ‘बलात्कारको जाहेरी परेका आरोपी पल शाह थापाको निर्देशनमा बनेको फिल्मका अभिनेता भएको र उनीबारे थापालाई जानकारी हुनसक्ने भएकाले सोधपुछका लागि बोलाइएको हो।'
अभिनेता शाहविरद्ध केही दिनअघि तनहुँ प्रहरीमा एक नाबालिग गायिकामाथि बलात्कार गरेको आरोपमा जाहेरी परेको थियो।
प्रहरीले जाहेरी परेकै दिनदेखि खोजी सुरु गरेको भनिए पनि शाह पक्राउ परेका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-(1)-1788014032.jpeg)
-1786602170.png)
-1787821306.jpg)
-1786513116.png)
