एमसीसी अस्वीकार गर्दा नेपालको अर्थतन्त्रमा संकट पर्न सक्छ : एमाले उपाध्यक्ष पाण्डे

अर्थ समाचार

नेपाल लाइभ शुक्रबार, फागुन १३, २०७८ १७:०४

काठमाडौं- प्रमुख प्रतिपक्ष दल नेकपा एमालेका उपाध्यक्ष एवम् पूर्वअर्थमन्त्री सुरेन्द्र पाण्डेले एमसीसीलाई अस्वीकार गर्दा नेपालको अर्थतन्त्रमा संकट आउनसक्ने बताएका छन्।

शुक्रबार त्रिभुवन विश्वविद्यालयको केन्द्रीय अर्थशास्त्र विभागले आयोजना गरेको ‘नेपाली अर्थतन्तका नयाँ चुनौती र समाधानका उपायहरुको खोजी’ विषयक अन्तरक्रियामा बोल्दै उपाध्यक्ष पाण्डेले नेपालले एमसीसी अस्वीकार गर्दा आर्थिक संकट आइपर्न सक्ने बताएका हुन्।

एमसीसी सम्झौंतालाई नेपालले अस्वीकार गर्दा अमेरिका रिसाएको खण्डमा आर्थिक रुपमा जोखिम र संकट पैदा हुनसक्ने उनले बताए। अमेरिकाको सहयोग अस्वीकार गर्दा अन्य शक्ति राष्ट्रहरुले पनि नेपाललाई आर्थिक सहयोग गर्न हिच्किचाउने उपाध्यक्ष पाण्डेले बताए। नेपालमा धेरै रेमिट्यान्स भित्रिने मुलुकहरुसँग अमेरिकाको निकट सम्बन्ध रहेको भन्दै उनले ती मुलुकहरुसँग अमेरिकाले नेपालबारे असहमति राखेको खण्डमा संकटमा फस्न सक्ने तर्क गरे।

'अहिले प्रसंगवस आइरहेको एमसीसी कतै अन्तर्राष्ट्रिय सम्बन्धसँग रिलेटिभ भएर नयाँ क्राइसिसतर्फ देश जाने त होइन? यस तर्फको तपाईंहरुले यसका प्रभावको बारेमा अध्ययन गर्नु पर्ने खाँचो देखिरहेको छु' उनले भने।

'यो ५५ अर्ब नलिने कुरासँग केही छैन। नलिए पनि केही भएको छैन । तिमीले लिएनौं मैले दिन्न मैले अन्त बाँडिदिन्छु भनेर सहज रुपमा उसले लिएर गयो भने नो प्रश्न। त्यसले ठूलो नोक्सानी कही हुँदैन' उनले भने, 'तर यहाँ नेपाल जस्तो मुलुकले मेरो पैसा नलिने भनेर दागाधरो भने बुझ्नुस् हामी जोखिम र संकट तर्फ प्रवेश गर्‍यो। अमेरिकासँगको कुरामा डिल गर्ने कुरा भनेको त्यस्तै हो। एमसीसीको कज हेरेर अमेरिका हिड्दैन। उसलाई आउनै पर्‍यो भने कज नै हेर्दैन। अफगानस्थान आउँदा पनि कज हेरेको होइन उसले । इराकमा जाँदा पनि त्यसले हेरेको थिएन । उसलाई त्यो सँग केही सरोकार छैन।'

कतिपयलाई सम्झौता अनुसार अमेरिका नेपाल आउँछ भन्ने लागेको तर त्यो गलत भएको उनको भनाइ छ। एमसीसीसँग सम्बन्धि भएर यसको कतै अन्य सम्बन्ध पनि छ कि भन्ने आफूलाई लागनेको उनले बताए।

'केही दिन अगाडि नेपालबाट अमेरिकामा तालिममा जान लागेको चार जना कर्नेलको भिसा रोकियो। या डिभि खोल्न नेपालीहरुलाई डिसकरेज गर्न थाल्यो वा नदिने हो की भन्ने छ। पाँच वर्षे भिसालाई ओइटिङ लिष्टमा राखि दिने' उनले आफूले सुनको भन्दै भने, 'जर्मनीले तिमी अमेरिकाको पैसा लिदैनौं। किन चाँहियो हाम्रोबाट लोन भनेर रोक्न थाल्यो। एमसीसी नलेको कुराले गर्दा।'

नेपालले करिब १५ वटा देशबाट रेमिट्यान्स भित्र्याउने र ति देशहरु कुनै न कुनै रुपले ग्लोवल पावर एक्सिसमा अमेरिका निकट अवस्थामा रहेको र यसले गर्दा नेपालमा प्रभाव पार्ने त होइन भन्ने उनको आशंक छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जागरण अभियान बहुआयामिक र गुणात्मक भएको माओवादीको निष्कर्ष

आगामी आर्थिक वर्षको बजेट तर्जुमा सम्बन्धी ८ बुँदे मार्गदर्शन जारी

केपी ओली कप: लगातार तीन संस्करण जित्दै उपाधिमा मच्छिन्द्रको ह्याट्रिक