काठमाडौं– ललिता निवासको जग्गा व्यक्तिको नाममा गरी भ्रष्टाचार गरेको अभियोगमा विशेष अदालतमा मुद्दा लागेका चितवन जिल्ला न्यायाधीशले दायर गरेको रिटमा सर्वोच्चले उनको माग पूरा हुने गरी आदेश जारी गर्न अस्वीकार गरेको छ। जिल्ला न्यायाधीश विनोदकुमार गौतमले अख्तियारविरुद्ध दायर गरेको मुद्दामा बिहीबार कानुन बमोजिम गर्नु भनी अन्तिम आदेश भएपछि खारेज भएको छ। बिहीबार सर्वोच्चले यस्तो आदेश गरेको हो।
ललिता निवास जग्गा अनियमितता प्रकरणमा संलग्न रहेको भन्दै गौतम लगायत १ सय ६५ जनामाथि अख्तियार दुरुपयोग अनुसन्धान आयोगले २०७६ माघ २२ गते विशेष अदालतमा भ्रष्टाचार मुद्दा दायर गरेको थियो ।
आफू जिल्ला न्यायाधीश भएकाले अख्तियारले आफूविरुद्ध मुद्दा दायर गर्न नसक्ने भन्दै गौतमले अख्तियारको निर्णय विरुद्ध सर्वोच्च अदालतमा निवेदन दिएका थिए। उनको निवेदन सुरुमै न्यायाधीश डा. मनोज कुमार शर्माको इजलासले एकैतर्फी सुनुवाइको आधारमा खारेज गरिदिएको थियो। सर्वोच्चले उनको मुद्दामा अन्तिम आदेश गर्दै कानुन बमोजिम गर्नु भनेको छ।
खारेजीविरुद्ध गौतमले सर्वोच्च अदालतमा नै पुनरावलोकनको माग राखी निवेदन दिएका थिए। सर्वोच्च अदालतले उनको हकमा भएको फैसला पुनरावलोकन हुनुपर्ने भनी आदेश गरेको थियो।
आदेशपछि ब्युँतिएको त्यही मुद्दामा सर्वोच्च अदालतले बिहीबार गौतमको पक्षमा ‘रिट जारी नहुने’ भनी आदेश गरेको हो। गौतमले आफूमाथि न्यायपरिषद बाहेक अरु निकायले कारबाही गर्न नसक्ने भएकाले अख्तियारले मुद्दा चलाउने भनी गरेको निर्णय खारेज गर्नुपर्ने, आफूमाथिको निलम्बन खारेज हुनुपर्ने र पदमा बहाल गराउन आदेश जारी हुनुपर्ने माग गरेका थिए। मुद्दा दायर भएपछि न्याय परिषदले उनलाई निलम्वनमा राखेको थियो।
न्यायाधीशहरु डा. आनन्दमोहन भट्टराई, अनिलकुमार सिह्ना र बमकुमार श्रेष्ठको पूर्ण इजलसाले निवेदक गौतकको माग बमोजिम आदेश जारी हुने निर्णय गरेका हो। २०६६/६७ मा बालुवाटारस्थित प्रधानमन्त्री निवास विस्तारका क्रममा ललिता निवासको सरकारी जग्गा व्यक्तिको नाममा दर्ता गर्ने निर्णय हुँदा गौतम भौतिक योजना तथा निर्माण मन्त्रालयमा कानून उपसचिव थिए।
मन्त्रिपरिषदमा लैजाने प्रस्ताव तयार गर्ने क्रममा कानुन उपसचिव गौतमको पनि राय दिएका थिए। गलत राय तयार गरेको आरोपमा अख्तियारले उनीविरुद्ध विशेष अदालतमा मुद्दा चलाएको थियो। विशेष अदालतमा अन्तिम सुनुवाइ हुन लागेको मुद्दा फैसला नभएसम्म अव उनी निलम्वन हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788007575.jpg)
-1786602170.png)
-1787821306.jpg)
-1786513116.png)
