काठमाडौं– शुक्रबार नेपाली फिल्म ‘म यस्तो गीत गाउँछु २’ र ‘गंगुबाई कठियाबाडी’ सिनेमा हलमा प्रदर्शन भएका छन्। शुक्रबारबाट यी दुई फिल्महरु नेपाली फिल्म हलमा प्रदर्शन सुरु भएका हुन्।
सुदर्शन थापाले निर्देशन गरेको ‘म यस्तो गीत गाउँछु २’ सांगीतिक र प्रेम विधामा आधारित फिल्म रहेको छ। फिल्ममा पूजा शर्मा र पल शाह मुख्य भूमिकामा छन्। त्यस्तै हरिहार शर्मा, दिनेश डिसी, राजा राजेन्द्र पोखरेल, गनेश गिरी, सोनिका रोकायालगायत कलाकारले फिल्ममा अभिनय गरेका छन।
निर्देशक थापाकै कथामा शिवम् अधिकारी र दिनेश न्यौपानेले लेखेको पटकथामा आधारित फिल्मलाई अभिनेत्री शर्मा र निर्देशक थापाको संयुक्त लगानीमा निर्माण गरिएको छ।
त्यस्तै, आलिया भट्ट मुख्य भूमिकामा रहेको फिल्म ‘गंगुबाई कठियाबाडी’को पनि आजबाट प्रदर्शन सुरु भएको छ। सञ्जय लिला भन्सालीले निर्देशन गरेको फिल्म ‘बायोग्राफिकल क्राइम’ विधामा आधारित फिल्म हो। फिल्म आंशिक रुपमा जे हुसैन जैदीले लेखेको पुस्तक ‘माफिया क्वीन अफ मुम्बई’मा आधारित छ। फिल्ममा गंगुबाई हर्जीवनदासको कथालाई प्रस्तुत गरिएको छ, जो कोठीदेखि भारतमा माफीया क्वीनसम्म बनेकी थिइन्।
‘गंगुबाई कठियाबाडी’मा आलियासँगै विजय राज, अजय देवगण, सान्तनु महेश्वरीलगायतका कलाकारको अभिनय छ। शुक्रबार प्रदर्शनमा आएका दुई फिल्मसँगै सिनेमा हलमा दक्षिण भारतीय फिल्म ‘वलिमाई’ र हलिउड फिल्म ‘अनचाटर्ड’ पनि प्रदर्शन भइरहेको छ। एक विनोथले निर्देशन गरेको अजिथ कुमार अभिनित ‘वलिमाई’ बिहीबार प्रदर्शनमा आएको थियो भने हलिउड अभिनेता टम होल्याण्ड अभिनित ‘अनचाटर्ड’ रुवेन फ्लेइस्चेरले निर्देशन गरेको फिल्म हो। यो फिल्म १८ फेब्रुअरीमा प्रदर्शनमा आएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
